தேசியக் கல்லூரி, திருச்சியில் செப்டம்பர் 14 மற்றும் 15 ஆகிய தேதிகளில் வணிகவியல் துறையால் இளம் குடிமக்களுக்கான நிதிக் கல்வி குறித்த இரண்டு நாள் பயிலரங்கம் நடைபெற்றது. இந்த நிகழ்வு இளம் குடிமக்களுக்கு நிதி தொடர்பான அத்தியாவசிய அறிவு மற்றும் திறன்களை வழங்குவதை நோக்கமாகக் கொண்டது.
முதுகலை வணிகவியல் பயிலும் மாணவி எஸ்.யோகிதாவின் வரவேற்பு உரையுடன் பயிலரங்கம் துவங்கியது. இளம் குடிமக்களின் எதிர்காலத்தை வடிவமைப்பதில் நிதிக் கல்வியின் முக்கியத்துவத்தை வலியுறுத்தி தேசிய கல்லூரியின் முதல்வர் முனைவர். கே.குமார் தலைமையுரை ஆற்றினார்.
இந்த நிகழ்வில் கர்நாடக மாநிலம், மைசூரில் உள்ள விஸ்வேஸ்வரய்யா தொழில்நுட்பப் பல்கலைக்கழகத்தின் மேலாண்மைப் பிரிவினை சார்ந்த உதவிப் பேராசிரியர் முனைவர்.சிவக்குமார் மாணவர்களுக்கு பயிற்சியளித்தார்.
சிறப்பு விருந்தினரை கிருஷ்ண பிரசாந்த் மற்றும் முரளி இருவரும் விருந்தினரை கௌரவித்தனர். வணிகவியல் முதுகலை பயிலும் மாணவர் டி.குரு ராகவேந்திரா, சிறப்பு விருந்தினரை அறிமுகப்படுத்தினார்.
முதலீட்டின் முக்கியத்துவம், நிதி முதலீட்டு வாய்ப்புகள் மற்றும் பத்திரச் சந்தைகளில் முதலீடு செய்வதற்கான செயல்முறை மற்றும் முன்நிபந்தனைகள் போன்ற தலைப்புகளை உள்ளடக்கிய ஒரு விரிவுரையை முனைவர்.சிவகுமார் நிகழ்த்தினார். முதன்மை மற்றும் இரண்டாம் நிலை சந்தைகளில் முதலீடு செய்வது பற்றியும், பரஸ்பர நிதிகள் பற்றிய அறிமுகம் மற்றும் அவற்றில் முதலீடு செய்வதற்கான பல்வேறு வழிகள் பற்றியும் இந்த பயிலரங்கில் கற்பிக்கப்பட்து. பங்குச் சந்தைகளில் முதலீடு செய்யும் போது எடுக்க வேண்டிய முன்னெச்சரிக்கைகள் மற்றும் இந்தத் துறையில் தொழில் வாய்ப்புகள், நிதி நிர்வாகத்தின் நுணுக்கங்களை செய்முறையுடன் முனைவர். சிவகுமார் விளக்கினார்.
வணிகவியல் இளங்கலை பயிலும் மாணவி சுஜாதாவின் வரவேற்பு உரையைத் தொடர்ந்து பயிற்ச்சி பட்டரையின் நிறைவு விழா தொடங்கியது. வணிகவியல் துறை தலைவர் முனைவர். M. ஷர்மிளா நிறைவுரை ஆற்றி, நிதிக் கல்வியின் முக்கியத்துவத்தை எடுத்துரைத்து, பெற்ற அறிவைப் பயன்படுத்த பங்கேற்பாளர்களை ஊக்குவித்தார்.
வணிகவியல் முதுகலை பயிலும் மாணவர் ஜி.ஹரிராம் நன்றியுரையுடன் நிகழ்ச்சி நிறைவு பெற்றது. பயிலரங்கை மாபெரும் வெற்றியடைய காரணமாக இருந்த பங்கேற்பாளர்கள் மற்றும் ஏற்பாட்டாளர்கள் அனைவருக்கும் நன்றி தெரிவித்தார்.
இந்த இளம் குடிமக்களுக்கான நிதிக் கல்வி குறித்த பயிலரங்கம், நிதி மேலாண்மை மற்றும் முதலீட்டு வாய்ப்புகள் குறித்த மதிப்புமிக்க நுண்ணறிவு மற்றும் அறிவை வழங்கியது. மேலும் இது இளம் குடிமக்களுக்கு அவர்களின் நிதி கல்வியறிவை மேம்படுத்துவதற்கான ஒரு தளமாக இருந்து. நிகழ்ச்சி ஏற்பாட்டாளர்களின் அர்ப்பணிப்பு முயற்சியாலும், பங்கேற்பாளர்களின் சுறுசுறுப்பான பங்கேற்பாலும் இந்நிகழ்வு குறிப்பிடத்தக்க வெற்றியைப் பெற்றது.
இந்த பயிலரங்கை வணிகவியல் முதுகலை பயிலும் மாணவிகள் சுஜிதா மற்றும் பிரியதர்ஷினி தொகுத்து வழங்கினார்கள்.
இந்த பயிலரங்கத்திற்கு பேராசிரியார்கள் முனைவர்.மோ.வாசன் மற்றும் முனைவர். ப. ஸ்ரீதேவி ஒருங்கினைப்பாளர்காளாக செய்யல்பட்டனர்.
பயிலரங்கில் தங்கள் நிதி அறிவை மேம்படுத்துவதில் ஆர்வமுள்ளவர்கள் சுமார் 150 மாணவர்கள் மற்றும் வணிகவியல் பேராசிரியர்கள் கலந்துகொண்டனர்.
-துரை திரவியம்.
