பாதுகாப்பு அமைச்சர் திரு ராஜ்நாத் சிங், இத்தாலியின் பாதுகாப்பு அமைச்சர் திரு கைடோ குரோசெட்டோவுடன் 2026 ஏப்ரல் 30 அன்று புது தில்லியில் இருதரப்புப் பேச்சுவார்த்தை நடத்தவுள்ளார். இச்சந்திப்பின் போது, இரு நாடுகளுக்கும் இடையிலான பாதுகாப்பு ஒத்துழைப்பு தொடர்பான பல்வேறு விடயங்கள் குறித்து அமைச்சர்கள் விவாதிப்பார்கள். மாறிவரும் பாதுகாப்புச் சூழலைக் கருத்தில் கொண்டு, பிராந்திய மற்றும் உலகளாவிய பிரச்சினைகள் குறித்தும் அவர்கள் தங்கள் கருத்துக்களைப் பகிர்ந்துகொள்வார்கள் என எதிர்பார்க்கப்படுகிறது.
2023 அக்டோபரில் பாதுகாப்பு அமைச்சர் ரோம் சென்ற பிறகு, இந்தியாவுக்கும் இத்தாலிக்கும் இடையிலான பாதுகாப்பு ஒத்துழைப்பு மேலும் வேகம் பெற்றது. பாதுகாப்பு அமைச்சர் குரோசெட்டோவின் முதல் இந்தியப் பயணம், தற்போதுள்ள ஒத்துழைப்பை மேலும் விரிவுபடுத்தவும், குறிப்பாக தொழில்துறை கூட்டாண்மைத் துறையின் கீழ் புதிய ஒத்துழைப்புப் பகுதிகளை ஆராயவும் இரு நாடுகளும் கொண்டுள்ள விருப்பத்தை அடிக்கோடிட்டுக் காட்டுகிறது.
2026 ஜனவரியில் இந்தியா-ஐரோப்பிய ஒன்றிய பாதுகாப்பு மற்றும் மூலோபாய கூட்டாண்மை ஒப்பந்தம் கையெழுத்திடப்பட்டது, அதிகரித்து வரும் மூலோபாய ஒருங்கிணைப்பைக் குறிப்பதோடு, பரஸ்பர நலன் சார்ந்த துறைகளில் பாதுகாப்புத் தொழில் ஒத்துழைப்புக்கு மேலும் உத்வேகம் அளித்துள்ளது.
எஸ்.சதிஸ் சர்மா