மத்திய வேளாண்மை, விவசாயிகள் நலன் மற்றும் ஊரக வளர்ச்சித் துறை அமைச்சர் திரு சிவராஜ் சிங் சௌஹான், இன்று மத்தியப் பிரதேசத்தின் விதிஷா மாவட்டத்தில் உள்ள பெர்கேடி ஜெட்டுவில், விவசாயிகளுக்கான ஒரு தனித்துவமான ‘பள்ளிக்கு’ அடிக்கல் நாட்டினார். மேலும், விவசாயத்தை மாற்றுவதற்கான ஒரு பெரிய தீர்மானத்தையும் முன்வைத்தார். முறையான கூட்டம் மற்றும் நீண்ட வரவேற்புரைகளுக்குப் பதிலாக, திரு சிவராஜ் சிங், பிற மக்கள் பிரதிநிதிகள் மற்றும் விஞ்ஞானிகள் முன்னிலையில், கவனம் நேரடியாக வயல்கள் மற்றும் விவசாயிகள் மீதே இருந்தது. மாதிரி வேளாண் அறிவியல் மையத்திற்கு அடிக்கல் நாட்டப்பட்டதோடு, விதிஷா, ரைசன், செஹோர் மற்றும் தேவாஸ் பகுதிகளுக்கான அறிவியல் விவசாய செயல்திட்டம், ‘கேத் பச்சாவ் அபியான்’ மற்றும் நவீன இயந்திரங்கள் மற்றும் புதுமைகளின் முழுமையான சங்கிலித் தொடரும் தொடங்கப்பட்டன. விவசாய சகோதர சகோதரிகளுடன் எளிமையான, உரையாடல் மொழியில் பேசிய ‘சிவராஜ் சார்’, இது ஒரு அரசியல் கூட்டம் அல்ல, மாறாக விவசாயம் குறித்த ஒரு வகுப்பு என்றும், இங்கு இரண்டரை ஏக்கர் நிலம் கொண்ட ஒரு சிறு விவசாயிக்குக் கூட ஒருங்கிணைந்த விவசாயம், சமச்சீர் உரங்கள், நல்ல மண் மற்றும் சிறந்த தொழில்நுட்பம் ஆகியவற்றின் மூலம் ஒரு மரியாதைக்குரிய வாழ்வாதாரத்தை ஈட்டுவதற்கான தீர்மானம் அளிக்கப்படுகிறது என்றும் தெளிவாகக் கூறினார். இந்த முன்னெடுப்பு, விவசாயிகளுக்கு நடைமுறை அறிவையும் நவீன கருவிகளையும் வழங்குவதன் மூலம் அவர்களின் வாழ்வில் உண்மையான மாற்றத்தைக் கொண்டுவருவதை நோக்கமாகக் கொண்டுள்ளது.விதிஷாவில் உள்ள உழவர் பள்ளிஇந்த நிகழ்ச்சி, மக்களைக் கூட்டுவதற்கோ அல்லது உரையாற்றுவதற்கோ அல்ல, மாறாக விவசாயிகளுக்குப் பயிற்சி அளிப்பதற்காகவே என்பதை மத்திய வேளாண் அமைச்சர் திரு சிவராஜ் சிங் சௌஹான் தொடக்கத்திலேயே தெளிவுபடுத்தினார். மேலும் அவர் ஊடகங்களிடம் கூறுகையில், இங்கு வந்துள்ள விவசாயிகள் பேருந்துகளிலோ அல்லது வாகனங்களிலோ அழைத்து வரப்படவில்லை; கற்க விரும்புவோர் தாங்களாகவே வந்துள்ளனர். எனவே, முறையான மேடை சம்பிரதாயங்களுக்குப் பதிலாக, நேரடி வகுப்புகள் நடைபெறும் என்றார். இந்நிகழ்ச்சியில் கலந்துகொள்ளும் ஒவ்வொரு விவசாயியும் ஒரு மாணவராகக் கருதப்பட வேண்டும் என்றும், விஞ்ஞானிகள் தங்களது கருத்துக்களைச் சுருக்கமான வார்த்தைகளில் விளக்கி, பின்னர் அவர்களை நேரடியாக வயல்களுக்கு அழைத்துச் சென்று இயந்திரங்களையும் புதிய தொழில்நுட்பங்களையும் செயல்விளக்கம் அளிப்பார்கள் என்றும் மத்திய அமைச்சர் திரு சிவராஜ் சௌஹான் கூறினார். இந்த அணுகுமுறை, கற்றல் நடைமுறைக்கு உகந்ததாகவும், வயல்களில் நேரடியாகப் பயன்படுத்தக்கூடியதாகவும் இருப்பதை உறுதி செய்கிறது. மாதிரி கே.வி.கே: 49 ஏக்கர் நேரடி ஆய்வகம்பெர்கேடி ஜெட்டுவில் 49 ஏக்கர் நிலப்பரப்பில் கட்டப்பட்டு வரும் இந்த வேளாண் அறிவியல் மையம், நாட்டின் முன்மாதிரியான வேளாண் அறிவியல் மையமாக (KVK) விளங்கும். இங்கு, இந்த காரிஃப் பருவத்திலிருந்தே நவீன விவசாயத்தின் செயல்முறை விளக்கப் பண்ணைகள் தொடங்கப்படும். கட்டிடக் கட்டுமானத்திற்காகக் காத்திருக்காமல், வயல்களில் உடனடியாகப் பணிகள் தொடங்கும் என்றும், விவசாயிகளுக்கு வெறும் வார்த்தைகளால் கூறாமல், அவர்கள் கண்களுக்கு முன்பாகவே செய்து காண்பித்துக் கற்பிக்கப்படும் என்றும் திரு. சிவராஜ் சிங் சௌஹான் தெளிவுபடுத்தினார். இந்த வேளாண் அறிவியல் மையம் மூலம், இந்திய வேளாண் ஆராய்ச்சிக் கழகத்தின் (ICAR) 113 நிறுவனங்கள் மற்றும் 1,700-க்கும் மேற்பட்ட வேளாண் அறிவியல் மையங்களின் ஆராய்ச்சிகள், நடமாடும் காணொளிகள், செயல்முறை விளக்கங்கள் மற்றும் பயிற்சிகள் வழியாக விதிஷா பகுதி விவசாயிகளிடம் நேரடியாகக் கொண்டு செல்லப்படும். இந்த நேரடி ஆய்வகம், இப்பகுதியில் அறிவியல் பூர்வமான விவசாய முறைகளுக்கான ஒரு சிறப்பு மையமாகச் செயல்படும்.அறிவியல் விவசாய வழிகாட்டி: இரண்டரை ஏக்கரில் கணிசமான வருமானம்பிரிவினையால் நிலங்கள் சுருங்கிவிட்டன, ஆனால் இரண்டரை ஏக்கர் (ஒரு ஹெக்டேர்) நிலத்தில்கூட, ஒருங்கிணைந்த விவசாயத்தை முறையாகச் செய்தால், ஒரு முழு குடும்பத்தின் வாழ்வாதாரத்தையும் வசதியாகத் தக்கவைத்துக் கொள்ள முடியும் என்று மத்திய அமைச்சர் திரு சிவராஜ் சிங் கூறினார். இதற்காக, விதிஷா, ரைசன், செஹோர் மற்றும் தேவாஸ் மாவட்டங்களின் மண், நீர் மற்றும் வளங்கள் குறித்து அறிவியல் பூர்வமான பகுப்பாய்வு செய்யப்பட்டு, ஒரு பயிர் முறை வரைபடம் தயாரிக்கப்பட்டுள்ளது. இவர்களுக்கான பயிற்சி இந்த வேளாண் அறிவியல் பள்ளியிலிருந்து (KVK) வழங்கப்படும். ஒரே நிலத்தில் தானியங்கள், பருப்பு வகைகள், எண்ணெய் வித்துக்கள், தோட்டக்கலை, கால்நடை வளர்ப்பு, மீன் வளர்ப்பு, தேனீ வளர்ப்பு மற்றும் காளான் வளர்ப்பு ஆகியவற்றை இணைப்பதன் மூலம் எவ்வாறு அதிகபட்ச லாபம் ஈட்டலாம் என்பதைக் காண்பிப்பதற்காக, வயல்களில் மாதிரிப் பண்ணைகள் உருவாக்கப்படும்.
திவாஹர்