மேற்கு ஆசியாவில் உருவாகி வரும் சூழ்நிலையின் மத்தியில், இந்திய அரசு குடிமக்களுக்குத் தொடர்ச்சியான தகவல்கள் மூலம் தொடர்ந்து விழிப்புணர்வு அளித்து வருகிறது. இது தொடர்பாக, இன்று தேசிய ஊடக மையத்தில் ஒரு செய்தியாளர் சந்திப்பு நடைபெற்றது. அங்கு பெட்ரோலியம் மற்றும் இயற்கை எரிவாயு, துறைமுகங்கள், கப்பல் போக்குவரத்து மற்றும் நீர்வழிகள், மற்றும் வெளியுறவுத் துறைகளின் அதிகாரிகள், எரிபொருள் இருப்பு, கடல்சார் செயல்பாடுகள், அப்பகுதியில் உள்ள இந்தியக் குடிமக்களுக்கு வழங்கப்படும் உதவி, மற்றும் முக்கியத் துறைகளில் ஸ்திரத்தன்மையைப் பேணுவதற்காக எடுக்கப்படும் நடவடிக்கைகள் குறித்துத் தகவல்களை வழங்கினர்.
மேற்கு ஆசியாவில் உருவாகி வரும் சூழ்நிலையின் பின்னணியில், பெட்ரோலியப் பொருட்கள் மற்றும் எரிவாயுவின் (எல்பிஜி) தடையற்ற விநியோகத்தை உறுதி செய்வதற்காக எடுக்கப்படும் நடவடிக்கைகள் குறித்து பெட்ரோலியம் மற்றும் இயற்கை எரிவாயு அமைச்சகம் தற்போதைய எரிபொருள் விநியோக நிலை குறித்து விளக்கியது.
பெட்ரோல், டீசல் மற்றும் எல்பிஜி கிடைப்பதை உறுதி செய்ய அரசு அனைத்து முயற்சிகளையும் மேற்கொண்டு வருவதால், பொதுமக்கள் பீதி அடையத் தேவையில்லை என்று அறிவுறுத்தப்படுகின்றனர்.
வதந்திகளை நம்ப வேண்டாம் என்றும், சரியான தகவல்களுக்கு அதிகாரப்பூர்வ ஆதாரங்களை நம்புமாறும் மக்களுக்கு அறிவுறுத்தப்பட்டுள்ளது. மக்கள் பி. என். ஜி மற்றும் மின்சார அடுப்புகள் போன்ற மாற்று எரிபொருள்களைப் பயன்படுத்த ஊக்குவிக்கப்படுகிறார்கள்.
தற்போதைய புவிசார் அரசியல் சூழ்நிலைக்கு இடையிலும், உள்நாட்டு எல்பிஜி, உள்நாட்டு பிஎன்ஜி மற்றும் சிஎன்ஜி (போக்குவரத்து) ஆகியவற்றிற்கு 100% விநியோகம் செய்யப்படுவதை அரசு உறுதி செய்துள்ளது.
வணிக ரீதியான எல்பிஜிக்கு, மருத்துவமனைகள், கல்வி நிறுவனங்களுக்கு முன்னுரிமை அளிக்கப்பட்டுள்ளது. இது தவிர, மருந்து, எஃகு, ஆட்டோமொபைல், விதை, விவசாயம் போன்றவற்றுக்கும் முன்னுரிமை அளிக்கப்பட்டுள்ளது. இது தவிர, புலம்பெயர்ந்த தொழிலாளர்களுக்கு 5 கிலோ எஃப்டிஎல் வழங்குவதும் சராசரியின் அடிப்படையில் இரட்டிப்பாக்கப்படுகிறது.
எல்பிஜி தேவையின் அழுத்தத்தை குறைக்க மண்ணெண்ணெய் மற்றும் நிலக்கரி போன்ற மாற்று எரிபொருள்கள் கிடைக்கப்பெற்றுள்ளன.
சிறு மற்றும் நடுத்தர நுகர்வோருக்கு விநியோகிக்க கூடுதல் நிலக்கரியை மாநிலங்களுக்கு வழங்குமாறு கோல் இந்தியா மற்றும் சிங்கரேனி நிலக்கரி நிறுவனங்களுக்கு நிலக்கரி அமைச்சகம் உத்தரவிட்டுள்ளது.
உள்நாட்டு மற்றும் வணிக நுகர்வோருக்கு புதிய பி. என். ஜி இணைப்புகளை வழங்க மாநிலங்களுக்கு அறிவுறுத்தப்பட்டுள்ளது.
தற்போதுள்ள புவிசார் அரசியல் சூழ்நிலையால் எல்பிஜி வழங்கல் தொடர்ந்து பாதிக்கப்படுகிறது. வீடுகளுக்கு எல்பிஜி வழங்குவதற்கு முன்னுரிமை அளிக்கப்பட்டுள்ளது.
தொழில்துறை அடிப்படையில் ஆன்லைன் எல்பிஜி சிலிண்டர் முன்பதிவு நேற்று 98% ஆக அதிகரித்துள்ளது..
22.04.2026 அன்று, 52 லட்சத்துக்கும் மேற்பட்ட உள்நாட்டு எல்பிஜி சிலிண்டர்கள் வழங்கப்பட்டன.
மொத்த வணிக எல்பிஜி ஒதுக்கீடு நெருக்கடிக்கு முந்தைய நிலைகளில் சுமார் 70% ஆக உயர்த்தப்பட்டுள்ளது, இதில் 10% சீர்திருத்தத்துடன் இணைக்கப்பட்ட ஒதுக்கீடு அடங்கும்.
ஏப்ரல் 1,2026 முதல், 17 லட்சம் முதல் 5 கிலோ எஃப்டிஎல் சிலிண்டர்கள் விற்கப்பட்டுள்ளன.
நேற்று, நாடு முழுவதும் 86,000-5 கிலோ எஃப்டிஎல் சிலிண்டர்கள் விற்பனை செய்யப்பட்டன.
ஏப்ரல் 3, முதல், பொதுத்துறை எண்ணெய் நிறுவனங்கள் 5 கிலோ எஃப்டிஎல் சிலிண்டர்களுக்காக 8200 க்கும் மேற்பட்ட விழிப்புணர்வு முகாம்களை ஏற்பாடு செய்துள்ளன, இதில் 1,27,000-5 கிலோ எஃப்டிஎல் சிலிண்டர்களும் விற்கப்பட்டுள்ளன.
நேற்று, 320 க்கும் மேற்பட்ட முகாம்கள் மூலம் 7877-5 கிலோ எஃப்டிஎல் விற்கப்பட்டன.
ஏப்ரல் மாதத்தில் (22.04.26 வரை) மொத்தம் 1,40,362 மெட்ரிக் டன் (73.87 லட்சத்திற்கும் அதிகமான 19 கிலோ எல்பிஜி சிலிண்டர்களுக்கு சமம்) வணிக ரீதியான எல்பிஜி விற்பனை செய்யப்பட்டுள்ளது.
22.04.2026 அன்று, 8483 மெட்ரிக் டன் வணிக ரீதியான எல்பிஜி (4.46 லட்சம்-19 கிலோ சிலிண்டர்களுக்கு சமம்) விற்பனை செய்யப்பட்டது.p
திவாஹர்