இந்திய கடற்படையின் பாய்மரப் பயிற்சிக் கப்பலான ஐஎன்எஸ் சுதர்ஷினி, 2026 ஏப்ரல் 18 அன்று மொராக்கோவின் காசாபிளாங்கா துறைமுகத்தில் தனது பயனுள்ள மற்றும் சுவாரஸ்யமான வருகையை நிறைவு செய்தது. நடைபெற்று வரும் லோகாயன் 26 திட்டத்தின் ஒரு பகுதியாக , இந்திய-மொராக்கோ கடல்சார் கூட்டாண்மையை வலுப்படுத்துவதில் இந்த வருகை ஒரு முக்கிய படியாக அமைந்தது .
துறைமுக வருகையின் போது, ஐஎன்எஸ் சுதர்ஷினியின் கட்டளை அதிகாரி, பயிற்சிப் பரிமாற்றங்கள் மற்றும் கடல்சார் ஒத்துழைப்பில் கவனம் செலுத்தி, மொராக்கோவின் மூத்த கடற்படைத் தலைவர்களுடன் தொழில்முறை கலந்துரையாடல்களை நடத்தினார். இந்தியக் கடற்படைப் பயிற்சியாளர்கள், கப்பலின் மேல்தளங்களுக்கு இடையேயான சந்திப்புகள் மற்றும் நட்புரீதியான விளையாட்டுப் போட்டிகளின் போது, ராயல் மொராக்கோ கடற்படைப் பள்ளியின் மாணவர்களுடன் கலந்துரையாடியதன் மூலம், ‘லோக்காயன்’ திட்டத்தின் சாராம்சம் தீவிரப் பயிற்சி ஈடுபாடுகளில் பிரதிபலித்தது. ஐஎன்எஸ் சுதர்ஷினியால் கப்பலில் நடத்தப்பட்ட வரவேற்பு மற்றும் ராயல் மொராக்கோ கடற்படையால் நடத்தப்பட்ட பரஸ்பர மதிய விருந்து ஆகியவற்றின் மூலம் ராஜதந்திர ரீதியான அணுகுமுறை மேம்படுத்தப்பட்டு, தொழில்முறை மற்றும் கலாச்சார உறவுகள் வலுப்படுத்தப்பட்டன.
இரு நாடுகளுக்கும் இடையிலான பகிரப்பட்ட கடல்சார் நலன்கள் மற்றும் மூலோபாய ஒருங்கிணைப்பால் உந்தப்பட்டு, ஆழமடைந்து வரும் கடல்சார் உறவுகளை தற்போதைய பயணம் மீண்டும் உறுதிப்படுத்துகிறது. ஐ.என்.எஸ் சுதர்ஷினி தற்போது ஸ்பெயினில் உள்ள லாஸ் பால்மாஸை நோக்கிச் செல்கிறது; இதன் மூலம் கடல்கடந்த வசுதைவ குடும்பகம் மற்றும் நல்லெண்ணச் செய்தியை மேலும் முன்னெடுத்துச் செல்கிறது .
எம்.பிரபாகரன்