விதையிலிருந்து சந்தை வரை, ஆய்வகத்திலிருந்து வயல் வரை – வேளாண் கண்காட்சி விவசாயிகளுக்கு மேம்பட்ட விவசாயத்தின் முழுமையான வரைபடத்தை வழங்கும்!- மத்திய அமைச்சர் சிவராஜ் சிங் சௌஹான்.

மத்திய வேளாண்மை, விவசாயிகள் நலன் மற்றும் ஊரக வளர்ச்சித் துறை அமைச்சர் திரு சிவராஜ் சிங் சௌஹான் அவர்களின் முன்முயற்சியின் பேரில், தேசிய அளவிலான மேம்பட்ட வேளாண்மை விழா-கண்காட்சி மற்றும் பயிற்சி நிகழ்ச்சி ஒன்று, 2026 ஏப்ரல் 11 முதல் 13 வரை ரைசனில் உள்ள தசரா மைதானத்தில் நடைபெறும். இந்த நிகழ்வானது, ‘ஆய்வகத்திலிருந்து வயல் வரை’ மற்றும் ‘விதையிலிருந்து சந்தை வரை’ ஆகிய முழுமையான பயணத்தை ஒரே மைதானத்தில் காட்சிப்படுத்துவதன் மூலம், நாட்டின் விவசாயிகளை வளர்ச்சிப் பாதையில் அழைத்துச் செல்லும். இது வெறும் ஒரு கண்காட்சி மட்டுமல்ல, வேளாண்மை குறித்த மூன்று நாள் மாபெரும் சங்கமம் என்றும், விவசாயிகளின் தலைவிதியை மாற்றுவதற்கான மிகப்பெரிய வாய்ப்பு என்றும் திரு சௌஹான் கூறியுள்ளார். ஒருபுறம், தொடக்க அமர்வில் மத்திய பாதுகாப்புத் துறை அமைச்சர் திரு ராஜ்நாத் சிங் விவசாயிகளின் உற்சாகத்தை அதிகரிப்பார், மேலும் மத்தியப் பிரதேச முதலமைச்சர் டாக்டர் மோகன் யாதவும் கலந்துகொள்வார். மறுபுறம், ஏப்ரல் 13 அன்று நடைபெறும் நிறைவு அமர்வின் போது, ​​மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் திரு நிதின் கட்கரி முன்னிலையில், இப்பகுதிக்கான விரிவான வேளாண்மை செயல்திட்டம் வெளியிடப்படும்.

திவாஹர்