மேற்கு ஆசியாவில் ஏற்படும் நிகழ்வுகள் குறித்து குடிமக்களுக்குத் தெரியப்படுத்தும் இந்திய அரசின் தொடர் முயற்சிகளின் ஒரு பகுதியாக, இன்று தேசிய ஊடக மையத்தில் ஒரு ஊடக சந்திப்பு நடைபெற்றது. இந்த சந்திப்பின் போது, பெட்ரோலியம் மற்றும் இயற்கை எரிவாயு, துறைமுகங்கள், கப்பல் மற்றும் நீர்வழிகள், மற்றும் வெளியுறவு அமைச்சகங்களின் அதிகாரிகள், எரிபொருள் இருப்பு, கடல்சார் செயல்பாடுகள், அப்பகுதியில் உள்ள இந்தியக் குடிமக்களுக்கு வழங்கப்படும் ஆதரவு, மற்றும் இந்தத் துறைகள் முழுவதும் நிலைத்தன்மையைப் பேணுவதற்காக எடுக்கப்படும் நடவடிக்கைகள் குறித்த சமீபத்திய தகவல்களைப் பகிர்ந்துகொண்டனர். இரசாயனங்கள் மற்றும் உரங்கள் அமைச்சகத்தின் உரங்கள் துறையைச் சேர்ந்த ஓர் அதிகாரியும் இந்த சந்திப்பில் கலந்துகொண்டு, நாட்டில் போதுமான அளவு உரங்கள் கிடைப்பதை உறுதிசெய்ய அரசாங்கம் மேற்கொண்டு வரும் நடவடிக்கைகள் குறித்த சமீபத்திய தகவல்களை வழங்கினார்.
உர இருப்பு மற்றும் விநியோக நடவடிக்கைகள்
நாட்டில் உர நிலவரம் குறித்த சமீபத்திய தகவல் பகிரப்பட்டது. அதில், உரங்கள் கிடைப்பதையும், தடையின்றி விநியோகிக்கப்படுவதையும் உறுதிசெய்ய அரசாங்கம் மேற்கொண்டு வரும் நடவடிக்கைகள் கோடிட்டுக் காட்டப்பட்டன. மேலும், பின்வருவனவும் எடுத்துரைக்கப்பட்டன:
நிலவும் சூழ்நிலை
· வளைகுடாப் பிராந்தியம் உர இறக்குமதிக்கான ஒரு முக்கிய ஆதாரமாகத் தொடர்கிறது; இது யூரியாவின் 20-30% மற்றும் DAP இறக்குமதியில் 30% பங்கைக் கொண்டுள்ளது. மேலும், யூரியா உற்பத்திக்கான முக்கிய மூலப்பொருளான இந்தியாவின் LNG இறக்குமதியில் கிட்டத்தட்ட 50%-ஐயும் இது வழங்குகிறது. P&K உரங்களின் உள்நாட்டு உற்பத்தியில் பயன்படுத்தப்படும் அம்மோனியா, கந்தகம் மற்றும் சல்பூரிக் அமிலம் போன்ற முக்கிய மூலப்பொருட்கள் மற்றும் இடைநிலைப் பொருட்களும் பாதிக்கப்பட்டுள்ளன.
- பிப்ரவரி 28 முதல் சுமார் 5,50,000 பயணிகள் இந்தியாவுக்குத் திரும்பியுள்ளதால், ஒட்டுமொத்த விமானப் போக்குவரத்து நிலைமை தொடர்ந்து மேம்பட்டு வருகிறது.
ஐக்கிய அரபு அமீரகத்தில், செயல்பாட்டு மற்றும் பாதுகாப்பு காரணங்களைக் கருத்தில் கொண்டு, விமான நிறுவனங்கள் குறைந்த அளவிலான திட்டமிடப்படாத விமான சேவைகளைத் தொடர்ந்து இயக்கி வருகின்றன. இவ்வேளையில், இன்று இந்தியாவிற்கு சுமார் 85 விமானங்கள் இயக்கப்படும் என எதிர்பார்க்கப்படுகிறது.
சவூதி அரேபியா மற்றும் ஓமானில் உள்ள பல்வேறு விமான நிலையங்களிலிருந்து இந்தியாவின் வெவ்வேறு இடங்களுக்கு விமானங்கள் தொடர்ந்து இயக்கப்படுகின்றன.
· கத்தார் வான்வெளி பகுதியளவு திறக்கப்பட்டுள்ள நிலையில், கத்தார் ஏர்வேஸ் இன்று இந்தியாவிற்கு சுமார் 10 விமானங்களை இயக்கும் என எதிர்பார்க்கப்படுகிறது.
குவைத் மற்றும் பஹ்ரைன் வான்வெளிகள் மூடப்பட்டே இருக்கின்றன. ஜசீரா ஏர்வேஸ் மற்றும் கல்ஃப் ஏர் நிறுவனங்கள், சவூதி அரேபியாவின் தம்மாம் விமான நிலையத்திலிருந்து இந்தியாவின் பல்வேறு இடங்களுக்கு திட்டமிடப்படாத வணிக விமான சேவைகளை இயக்கி வருகின்றன.
· வான்வெளி கட்டுப்பாடுகள் காரணமாக, இந்தியக் குடிமக்கள் ஈரானிலிருந்து ஆர்மீனியா மற்றும் அஜர்பைஜான் வழியாகவும், இஸ்ரேலிலிருந்து எகிப்து மற்றும் ஜோர்டான் வழியாகவும், ஈராக்கிலிருந்து ஜோர்டான் மற்றும் சவுதி அரேபியா வழியாகவும், குவைத் மற்றும் பஹ்ரைனிலிருந்து சவுதி அரேபியா வழியாகவும் மாற்று வழிகளில் பயணிக்க வசதி செய்யப்படுகிறது.
குவைத்தில் நடந்த தாக்குதலில் இந்தியர் ஒருவர் உயிரிழந்தார். அவரது குடும்பத்தினருக்கு அரசு இரங்கல் தெரிவித்துள்ளதுடன், அவரது உடலை விரைவில் தாயகம் கொண்டுவருவதற்காக தூதரகம் உள்ளூர் அதிகாரிகளுடன் ஒருங்கிணைந்து செயல்பட்டு வருகிறது.
பல்வேறு சம்பவங்களில் மொத்தம் 8 இந்தியர்கள் உயிரிழந்துள்ளனர், மேலும் ஒருவர் காணாமல் போயுள்ளார். இது தொடர்பாக, மீட்புக் குழுக்கள் உள்ளூர் அதிகாரிகளுடன் தொடர்ந்து ஒருங்கிணைந்து செயல்படுவதுடன், பாதிக்கப்பட்ட குடும்பங்களுக்கு உதவிகளையும் வழங்கி வருகின்றன.
திவாஹர்