இந்தியக் கடற்படையின் மறைமுகத் தாக்குதல் போர்க்கப்பலான திரிகண்ட், தனது செறிவூட்டும் துறைமுக வருகையை நிறைவுசெய்து , 2026 மார்ச் 20 அன்று செஷல்ஸில் உள்ள விக்டோரியா துறைமுகத்திலிருந்து புறப்பட்டுச் சென்றது.
கப்பலின் கட்டளை அதிகாரியான கேப்டன் சச்சின் குல்கர்னி, மூத்த அரசு அதிகாரிகளையும், சேஷெல்ஸுக்கான இந்திய உயர் ஆணையரையும் சந்தித்தார். மேலும், அக்கப்பல் முக்கிய உதிரிபாகங்களையும் அத்தியாவசியப் பொருட்களையும் சேஷெல்ஸ் அரசாங்கத்திடம் ஒப்படைத்தது.
ஐஎன்எஸ் திரிகண்ட், இந்திய ராணுவம், இந்திய விமானப்படை மற்றும் செஷல்ஸ் பாதுகாப்புப் படைகளின் (SDF) உறுப்பினர்களுடன் இணைந்து, முப்படைகள் பங்கேற்ற முதல் ‘லமிதியே 2026’ பயிற்சியில் பங்கேற்றது. ‘லமிதியே’ பயிற்சியில் இந்திய கடற்படை பங்கேற்பது இதுவே முதல் முறையாகும்.
துறைமுகக் கட்டத்தின் போது, கப்பலில் சென்று பார்த்தல், ஏறுதல், தேடுதல் மற்றும் கைப்பற்றுதல் (VBSS) பயிற்சி நடத்தப்பட்டது, இதில் கூட்டு கப்பல் ஏறும் பயிற்சிகளும் அடங்கும். இதைத் தொடர்ந்து பயிற்சியின் கடல் கட்டம் நடைபெற்றது, அப்போது கப்பல் SCGS Le Vigilant உடன் இணைந்து பயிற்சி செய்ததுடன் , இந்திய கடற்படை மரைன் கமாண்டோக்கள் மற்றும் SDF இன் சிறப்புப் படைகளைக் கொண்ட ஒரு குழுவினரால் கடலில் கூட்டு கப்பல் ஏறும் நடவடிக்கைகளையும் மேற்கொண்டது. இதைத் தொடர்ந்து, இந்திய ராணுவம் மற்றும் செஷல்ஸ் பாதுகாப்புப் படைகளின் வீரர்கள் பிரஸ்லின் தீவில் தரையிறங்கினர். SDF இன் பாதுகாப்புப் படைகளின் தலைமைத் தளபதி மேஜர் ஜெனரல் மைக்கேல் ரோசெட், SDF இன் பாதுகாப்புப் படைகளின் துணைத் தலைமைத் தளபதி பிரிக் ஜீன் அட்டலா மற்றும் பிற மூத்த அதிகாரிகள், பயிற்சியின் கடல் கட்டத்தைக் காண்பதற்காக INS திரிகண்ட் கப்பலில் ஏறினர்.
இந்தப் பயிற்சி, இந்தியாவுக்கும் செஷல்ஸுக்கும் இடையே ஒருங்கிணைப்பை மேம்படுத்தவும் கடல்சார் ஒத்துழைப்பை வலுப்படுத்தவும் ஒரு வாய்ப்பை வழங்கியது. கிரியோல் மொழியில் ‘நட்பு’ என்று பொருள்படும் ‘ லாமிதியே ‘, இரு நாடுகளுக்கும் இடையிலான வரலாற்றுப் பிணைப்புகளைப் பிரதிபலிக்கிறது.
இந்தத் துறைமுக வருகையானது , பிராந்தியம் தழுவிய பாதுகாப்பு மற்றும் வளர்ச்சிக்கான பரஸ்பர மற்றும் முழுமையான முன்னேற்றம் என்ற இந்தியாவின் ‘ மகாசாகர் ‘ தொலைநோக்குப் பார்வையைப் பிரதிபலிப்பதோடு, இந்தியப் பெருங்கடல் பிராந்தியத்தில் விரும்பப்படும் பாதுகாப்புப் பங்காளராகவும் முதல் பதிலளிப்பவராகவும் தொடர்ந்து நீடிப்பதற்கான இந்தியக் கடற்படையின் உறுதிப்பாட்டையும் வலுப்படுத்துகிறது .
திவாஹர்