மத்திய சுகாதாரம் மற்றும் குடும்ப நல அமைச்சகம் , அட்டவணை H, H1 மற்றும் X மருந்துகள் மீதான ஒழுங்குமுறை மேற்பார்வையை வலுப்படுத்தும் நோக்கத்துடன், 1945 ஆம் ஆண்டு மருந்து விதிகளில் திருத்தங்களை, 8 செப்டம்பர் 2026 தேதியிட்ட வரைவு அரசிதழ் அறிவிப்பு GSR 791 (E) மூலம் பரிந்துரைத்துள்ளது .
முன்மொழியப்பட்ட இந்தத் திருத்தம், அட்டவணை H, H1 மற்றும் X மருந்துகளுக்கான அங்கீகரிக்கப்படாத அணுகல் மற்றும் விற்பனை தொடர்பான கவலைகளை நிவர்த்தி செய்வதை நோக்கமாகக் கொண்டுள்ளதுடன், ஒரு கூடுதல் ஒழுங்குமுறைப் பாதுகாப்பாக மருத்துவக் கடைகளில் கட்டாய சிசிடிவி கண்காணிப்பையும் பரிந்துரைக்கிறது.
இந்த முன்மொழிவு ஆரம்பத்தில் மருந்துகள் ஆலோசனைக் குழுவால் (DCC) பரிசீலிக்கப்பட்டு, பின்னர் பரிசீலனைக்காக மருந்துகள் தொழில்நுட்ப ஆலோசனைக் குழுவின் (DTAB) உறுப்பினர்களிடையே அனுப்பப்பட்டது. முன்மொழிவைப் பரிசீலித்ததைத் தொடர்ந்து, DTAB அதன் ஒப்புதலுக்குப் பரிந்துரைத்தது.
முன்மொழியப்பட்ட இந்தத் திருத்தம் நடைமுறைப்படுத்தப்படும்போது, அட்டவணை H, H1 மற்றும் X மருந்துகளின் விற்பனை மற்றும் விநியோகத்தைக் கண்காணிப்பதை வலுப்படுத்தவும், முறையான மருந்துச் சீட்டுகள் இல்லாமல் அவற்றை அங்கீகாரம் இல்லாமல் பெறுவதையும் விற்பனை செய்வதையும் கட்டுப்படுத்தவும் உதவும் என்று எதிர்பார்க்கப்படுகிறது.
முன்மொழியப்பட்ட சிசிடிவி கண்காணிப்பு அமைப்பு, மருந்து விநியோகச் சங்கிலி முழுவதும் வெளிப்படைத்தன்மை மற்றும் பொறுப்புடைமையை மேம்படுத்துவதோடு, பொது சுகாதாரத்திற்கான பாதுகாப்புகளையும் வலுப்படுத்தும்.
திவாஹர்