பாதுகாப்பு ஆராய்ச்சி மற்றும் மேம்பாட்டு நிறுவனம் (DRDO) மற்றும் இந்திய விமானப்படை (IAF) ஆகியவை இணைந்து, ருத்ராஎம்-2 வான்-தரை ஏவுகணையை வான்வழித் தளத்திலிருந்து வெற்றிகரமாகப் பறக்கவிட்டுச் சோதித்துள்ளன. அனைத்து துணை அமைப்புகளின் திறனை உறுதிசெய்யும் வகையில், முக்கியமான பயணப்பாதையுடன் கூடிய கடுமையான ஏவுதல் நிலைமைகளின் கீழ் இந்தச் சோதனைகள் நடத்தப்பட்டன.
ஏவப்பட்ட பிறகு ஏவுகணைகள், முன்னரே வரையறுக்கப்பட்ட ஒரு இலக்கை நோக்கி மிகத் துல்லியமாக வழிநடத்தப்பட்டன. சந்திப்பூரில் உள்ள ஒருங்கிணைந்த சோதனைத் தளத்தில் (ITR) நிறுவப்பட்ட பல்வேறு சோதனைக் கருவிகளால் பதிவுசெய்யப்பட்ட பறத்தல் தரவுகளால் உறுதிசெய்யப்பட்டபடி, அனைத்து சோதனை நோக்கங்களும் முழுமையாக நிறைவேற்றப்பட்டன.
ருத்ரம்-II, ஹைதராபாத்தில் உள்ள இமாரத் ஆராய்ச்சி மையத்தால், பாதுகாப்பு ஆராய்ச்சி மற்றும் மேம்பாட்டு ஆய்வகம், உயர் ஆற்றல் பொருட்கள் ஆராய்ச்சி ஆய்வகம், ஆயுத ஆராய்ச்சி மற்றும் மேம்பாட்டு நிறுவனம் மற்றும் ITR போன்ற பிற சகோதர ஆய்வகங்களுடன் இணைந்து, DRDO-வின் முக்கிய ஆய்வகமாக உள்நாட்டிலேயே உருவாக்கப்பட்டுள்ளது. மேம்பாடு மற்றும் உற்பத்தி கூட்டாளர்களுடன் (DcPPs), ஹிந்துஸ்தான் ஏரோநாட்டிக்ஸ் லிமிடெட், இராணுவ விமானத் தகுதிக்கான பிராந்திய மையம், ஏவுகணை அமைப்பு தர உறுதி முகமை மற்றும் பல தொழில்துறைகளும் இந்த இலக்கை அடைவதில் குறிப்பிடத்தக்க பங்களிப்பை வழங்கியுள்ளன.
வெற்றிகரமான விமானப் பரிசோதனைகளுக்காக டி.ஆர்.டி.ஓ, இந்திய விமானப்படை, பாதுகாப்பு பொதுத்துறை நிறுவனங்கள், பாதுகாப்பு உற்பத்தி மற்றும் தயாரிப்பு நிறுவனங்கள் மற்றும் தொழில்துறையின் முயற்சியை பாதுகாப்பு அமைச்சர் திரு ராஜ்நாத் சிங் பாராட்டினார். இந்தப் பரிசோதனைகள், உள்நாட்டுப் பாதுகாப்புத் தொழில்நுட்பங்களின் வளர்ந்து வரும் முதிர்ச்சியை வெளிப்படுத்தியுள்ளன என்றும், மேம்பட்ட ஆயுத அமைப்புகளில் தற்சார்புக்கு கணிசமாகப் பங்களிக்கின்றன என்றும் அவர் குறிப்பிட்டார்.
பாதுகாப்பு ஆராய்ச்சி மற்றும் மேம்பாட்டுத் துறையின் செயலாளரும், டி.ஆர்.டி.ஓ-வின் தலைவருமானவர், இந்தச் சோதனையில் ஈடுபட்ட அனைத்துக் குழுக்களுக்கும் அவர்களின் பாராட்டத்தக்க சாதனைக்காக வாழ்த்து தெரிவித்துள்ளார்.
திவாஹர்