இந்திய கடலோரக் காவல்படை, 30 ஏப்ரல் 2026 அன்று புது தில்லியில் உள்ள தனது தலைமையகத்தில், எம்/எஸ் ஃபின்கான்டியரி நிறுவனத்தின் மூத்த பிரதிநிதிகள் உள்ளிட்ட இத்தாலிய தூதுக்குழுவினரை வரவேற்றது. எதிர்காலத் திட்டங்களுக்காக இந்தியக் கப்பல் கட்டும் தளங்களுடன் இணைந்து செயல்படுவது குறித்து இந்தக் கலந்துரையாடல்கள் கவனம் செலுத்தின. மேலும், கடுமையான கடல் அலைகளைத் தாங்கும் திறன் கொண்ட கப்பல் உடல்கள், மேம்படுத்தப்பட்ட நங்கூர இழுவிசை, ஒருங்கிணைந்த தீயணைப்பு அமைப்புகள் மற்றும் கலப்பின/மின்சார உந்துவிசை போன்ற மேம்பட்ட வடிவமைப்பு அம்சங்கள் இதில் முன்னிலைப்படுத்தப்பட்டன. விரைவான செயல்பாட்டுத் தகவமைப்புடன், பல்துறை மற்றும் பன்முகப் பயன்பாட்டுத் தளங்களை உருவாக்கும் வகையில், மாடுலர் கப்பல் வடிவமைப்பு குறித்தும் இந்த உரையாடல் ஆராய்ந்தது.
ஆத்மநிர்பர் பாரத் தொலைநோக்குப் பார்வைக்கு இணங்க, டைனமிக் பொசிஷனிங் சிஸ்டம்ஸ், மேம்பட்ட த்ரஸ்டர்கள், செயற்கை நுண்ணறிவு சார்ந்த முடிவெடுக்கும் ஆதரவு, ஆளில்லா விமான எதிர்ப்பு அமைப்புகள் (C-UAS)/ட்ரோன் எதிர்ப்புப் பாதுகாப்பு மற்றும் அடுத்த தலைமுறை பசுமை உந்துவிசை உள்ளிட்ட சிறப்புத் தொழில்நுட்பங்களின் உள்நாட்டு வளர்ச்சி மற்றும் கூட்டு வளர்ச்சி குறித்து இரு தரப்பினரும் விவாதித்தனர்.
இந்தக் கலந்துரையாடல், இந்தியாவின் கடல்சார் பாதுகாப்பு முன்னுரிமைகளுக்கு இணங்க, கப்பல் கட்டுமானம், கடல்சார் தொழில்நுட்பம் மற்றும் திறன் மேம்பாடு ஆகியவற்றில் ஒத்துழைப்பை முன்னெடுத்துச் செல்வதற்கான ஒரு தொலைநோக்குத் தளமாக அமைந்தது.
இந்தக் குழு, இந்திய கடலோரக் காவல்படையின் தலைமை இயக்குநர் டி.ஜி. பரமேஷ் சிவமணியைச் சந்தித்தது. இதில், இத்தாலி தூதரகத்தின் பொருளாதாரம் மற்றும் புத்தாக்கத் துறையின் தலைவர் ஆலோசகர் அன்னா ரஃபினோ மற்றும் ஃபின்கான்டியரியின் இராணுவக் கப்பல் பிரிவின் தலைவர் திரு. யூஜெனியோ சாண்டகடா ஆகியோரும் இடம்பெற்றிருந்தனர்.
திவாஹர்