2026 ஏப்ரல் 21 முதல் 28 வரை கொழும்பில் நடைபெற்ற , ஐஎன்–எஸ்எல்என் டைவெக்ஸ் 2026 என்ற நான்காவது இருதரப்பு நீர்மூழ்கிப் பயிற்சியின் மூலம், இந்தியாவும் இலங்கையும் தங்களின் வளர்ந்து வரும் கடல்சார் கூட்டாண்மையை மீண்டும் உறுதிப்படுத்தின . இந்தப் பயிற்சியில், இந்தியக் கடற்படையின் நீர்மூழ்கி ஆதரவு மற்றும் நீர்மூழ்கி மீட்புக் கப்பலான ஐஎன்எஸ் நிரீக்ஷக், இரு கடற்படைகளின் நீர்மூழ்கிக் குழுக்களுடன் பங்கேற்றது. இது மேம்பட்ட செயல்பாட்டு ஒருங்கிணைப்பு மற்றும் தொழில்முறை ஒத்திசைவை அடிக்கோடிட்டுக் காட்டுகிறது .
சிக்கலான நீருக்கடியில் நடைபெறும் செயல்பாடுகளில் கவனம் செலுத்தும் ஒரு சிறப்புப் பயிற்சியான IN–SLN DIVEX, இந்தியக் கடற்படைக்கும் இலங்கைக் கடற்படைக்கும் இடையிலான ஒருங்கிணைப்பை வலுப்படுத்துவதை நோக்கமாகக் கொண்டுள்ளது. இந்தப் பயிற்சியில், கலப்பு வாயு மூழ்கல் பயிற்சிகள் உட்பட, மேம்பட்ட ஆழ்கடல் மூழ்கல் பயிற்சிகள் இடம்பெற்றன. இரு கடற்படைகளைச் சேர்ந்த மூழ்காளர்களும் துறைமுகத்திலும் திறந்த கடலிலும் விரிவான மூழ்கல்களை மேற்கொண்டு, தங்களின் உயர் மட்ட தொழில்நுட்பத் திறனையும் செயல்பாட்டு நிபுணத்துவத்தையும் வெளிப்படுத்தினர். கொழும்புக்கு அப்பால், இரண்டாம் உலகப் போர்க் காலத்து கப்பல் சிதைவுகளான எஸ்.எஸ். வொர்செஸ்டர் மற்றும் எஸ்.எஸ். பெர்சியஸ் ஆகியவற்றின் மீது கலப்பு வாயு மூழ்கல்களை நடத்தியது இதன் ஒரு முக்கிய சிறப்பம்சமாகும் .
ஒரு முக்கிய மைல்கல்லை எட்டும் வகையில், இரு கடற்படைகளைச் சேர்ந்த மூழ்காளர்களும் 55 மீட்டருக்கும் அதிகமான ஆழத்தில் வெற்றிகரமாக மூழ்கி ஆய்வு செய்தனர் . இது நீருக்கடியில் தேடுதல், மீட்பு மற்றும் மீளப்பெறும் நடவடிக்கைகளில் கூட்டுத் திறன்களை மேம்படுத்துவதோடு, இந்தியப் பெருங்கடல் பிராந்தியத்தில் ஒருங்கிணைப்பையும் வலுப்படுத்துகிறது.
இந்தப் பயிற்சியின் போது, மேற்கு கடற்படைப் பகுதியின் கட்டளை அதிகாரியான ரியர் அட்மிரல் எஸ்.ஜே. குமார, ஐ.என்.எஸ். நிரீக்ஷக்கைப் பார்வையிட்டு, இலங்கை மூழ்காளர்களின் பயிற்சியை மேம்படுத்துவதில் இந்தியக் கடற்படையின் தொடர்ச்சியான ஆதரவைப் பாராட்டினார். சிறந்த நடைமுறைகள் மற்றும் தொழில்முறை நிபுணத்துவத்தைத் தொடர்ச்சியாகப் பரிமாறிக்கொள்வதன் முக்கியத்துவத்தையும் அவர் எடுத்துரைத்தார்.
செயல்பாட்டு ஈடுபாடுகளுக்கு அப்பால், காலி முகட்டில் கடற்கரை தூய்மைப்படுத்தும் இயக்கம், நட்பு ரீதியான விளையாட்டுப் போட்டிகள் மற்றும் யோகா அமர்வுகள் உள்ளிட்ட தொடர்ச்சியான கூட்டு நடவடிக்கைகள் மூலம் இந்தப் பயிற்சி தோழமையை வளர்த்து, நட்புறவையும் பரஸ்பர நம்பிக்கையையும் வலுப்படுத்தியது.
இலங்கையில் நடைபெற்ற இந்திய அமைதி காக்கும் படை நடவடிக்கைகளின் போது தங்கள் உயிரைத் தியாகம் செய்த இந்திய வீரர்களுக்கு மரியாதை செலுத்தும் விதமாக, ஐ.என்.எஸ். நிரீக்ஷக் அவர்கள் ஐ.பி.கே.எஃப். நினைவிடத்தில் மலர்வளையம் வைத்து அஞ்சலி செலுத்தினார்.
மனிதாபிமான ஒத்துழைப்பை மேலும் விரிவுபடுத்தும் வகையில், பேரிடர் மீட்பு மற்றும் மருத்துவத் தயார்நிலையை மேம்படுத்தும் விதமாக, இந்தியாவின் ஆரோக்கிய மைத்ரி முன்முயற்சியின் கீழ் இரண்டு பிஹிஸ்ம் (சஹ்யோக், ஹிதா மற்றும் மைத்ரிக்கான பாரத் சுகாதார முன்முயற்சி) கனசதுரங்கள் ஒப்படைக்கப்பட்டன.
பயிற்சி நிறைவடைந்ததையடுத்து, இரு கடற்படைகளுக்கும் இடையிலான வலுவான தோழமையையும் நீடித்த கடல்சார் கூட்டாண்மையையும் அடையாளப்படுத்தும் விதமாக, ஐஎன்எஸ் நிரீக்ஷக்கிற்கு கோலாகலமான வழியனுப்பு விழா நடத்தப்பட்டது.
IN–SLN DIVEX 2026 மாநாடானது, மகாசாகர் (பிராந்தியங்கள் முழுவதும் பாதுகாப்பு மற்றும் வளர்ச்சிக்கான பரஸ்பர மற்றும் முழுமையான முன்னேற்றம்) தொலைநோக்குப் பார்வையுடன் இணைந்த, நீடித்த இருதரப்பு ஒத்துழைப்புக்கும் , இந்தியப் பெருங்கடல் பிராந்தியத்தில் அமைதி, நிலைத்தன்மை மற்றும் பாதுகாப்பிற்கான பகிரப்பட்ட அர்ப்பணிப்புக்கும் ஒரு சான்றாக விளங்குகிறது .
திவாஹர்