மத்திய இளைஞர் விவகாரங்கள் மற்றும் விளையாட்டு மற்றும் தொழிலாளர் மற்றும் வேலைவாய்ப்புத் துறை அமைச்சர் டாக்டர் மன்சுக் மண்டவியா இன்று புதுதில்லியில் ‘மை பாரத்’ மொபைல் செயலியை அறிமுகப்படுத்தினார். இளைஞர் விவகாரங்கள் மற்றும் விளையாட்டு அமைச்சகத்தின் (DoYA) இளைஞர் விவகாரத் துறையின் (DoYA) கீழ் இயங்கும் ஆன்லைன் இளைஞர் தலைமைத்துவம் மற்றும் சமூக ஈடுபாட்டு தளமான ‘மை பாரத்’ தளத்தின் இந்த மொபைல் செயலியை மின்னணு மற்றும் தகவல் தொழில்நுட்ப அமைச்சகத்தின் (MeitY) டிஜிட்டல் இந்தியா கார்ப்பரேஷன் (DIC) வடிவமைத்து உருவாக்கியுள்ளது.
இந்நிகழ்ச்சியில் உரையாற்றிய டாக்டர் மன்சுக் மண்டவியா, “இந்திய இளைஞர்களை மேம்படுத்துவதற்கான அரசாங்கத்தின் தொலைநோக்குப் பார்வையை நனவாக்குவதில் மை பாரத் மொபைல் செயலியின் அறிமுகம் ஒரு மைல்கல் படியாகும். தொழில்நுட்பம் சார்ந்த ஈடுபாட்டைப் பயன்படுத்துவதன் மூலம், இது தலைமைத்துவம், பங்கேற்பு மற்றும் தேசத்தைக் கட்டியெழுப்புவதற்கான புதிய வழிகளைத் திறக்கிறது, நாடு முழுவதும் உள்ள இளைஞர்கள் இந்தியாவின் வளர்ச்சிக் கதைக்கு மிகவும் திறம்பட பங்களிக்க உதவுகிறது” என்றார்.
எம்.பிரபாகரன்