செப்டம்பர் 21, 2025 அன்று மொராக்கோவின் ரபாத்தில் துடிப்பான இந்திய சமூகத்தினருடன் பாதுகாப்பு அமைச்சர் ஸ்ரீ ராஜ்நாத் சிங் கலந்துரையாடினார். ஆபரேஷன் சிந்தூர் நடவடிக்கையின் போது ஆயுதப்படைகளின் தீர்க்கமான நடவடிக்கையை இந்திய சமூகம் பாராட்டியது. பஹல்காமில் அப்பாவி இந்தியர்கள் மீது கோழைத்தனமான தாக்குதலுக்குப் பிறகு, ஆயுதப்படைகள் முழுமையாகத் தயாராக இருப்பதாகவும், பதிலடி கொடுக்க அவர்களுக்கு முழு சுதந்திரம் வழங்கப்பட்டுள்ளதாகவும் பாதுகாப்பு அமைச்சர் மீண்டும் உறுதிப்படுத்தினார். இந்தியாவின் நடவடிக்கைகள் அளவிடப்பட்டவை மற்றும் தீவிரமானவை அல்ல என்பதை வலியுறுத்திய அவர், நாட்டின் உறுதியான ஆனால் கட்டுப்படுத்தப்பட்ட அணுகுமுறையை விவரிக்க ராமசரிதமானஸை மேற்கோள் காட்டி, “ஹம்னே தர்ம் தேக் கர் நஹி, கர்ம் தேக் கர் மாரா ஹை” என்று கூறினார்.
புலம்பெயர்ந்த உறுப்பினர்களுடனான வெளிப்படையான உரையாடலில், பிரதமர் ஸ்ரீ நரேந்திர மோடியின் தலைமையில் கடந்த பத்தாண்டுகளில் இந்தியா அடைந்த பல பரிமாண முன்னேற்றத்தை ஸ்ரீ ராஜ்நாத் சிங் எடுத்துரைத்தார். உலகளாவிய மற்றும் புவிசார் அரசியல் சவால்கள் இருந்தபோதிலும், இந்தியா வேகமாக வளர்ந்து வரும் பெரிய பொருளாதாரமாக உருவெடுத்துள்ளது, உலகின் 11வது இடத்திலிருந்து 4 வது பெரிய நாடாக உயர்ந்துள்ளது , மேலும் விரைவில் முதல் மூன்று இடங்களுக்குள் நுழையத் தயாராக உள்ளது என்று அவர் கூறினார். இந்தியாவின் டிஜிட்டல் மாற்றம், அறிவுசார் பொருளாதாரத்தில் விரைவான முன்னேற்றங்கள் மற்றும் ஒரு தசாப்தத்திற்கு முன்பு 18 யூனிகார்ன்களிலிருந்து இன்று 118 ஆக ஸ்டார்ட்அப்களின் எழுச்சி ஆகியவற்றை ரக்ஷா மந்திரி எடுத்துரைத்தார். இந்தியாவின் பாதுகாப்புத் துறையின் குறிப்பிடத்தக்க வளர்ச்சியை அவர் அடிக்கோடிட்டுக் காட்டினார், இது ரூ.1.5 லட்சம் கோடி மதிப்புள்ள உற்பத்தியையும், 100க்கும் மேற்பட்ட நாடுகளுக்கு ரூ.23,000 கோடிக்கும் அதிகமான பாதுகாப்பு ஏற்றுமதியையும் எட்டியுள்ளது.
உலகெங்கிலும் உள்ள இந்தியப் பண்பின் வலிமையை பிரதிபலிக்கும் இந்திய சமூகத்தின் கடின உழைப்பு, அர்ப்பணிப்பு மற்றும் நேர்மையை ஸ்ரீ ராஜ்நாத் சிங் பாராட்டினார். உலக மதங்களின் நாடாளுமன்றத்தில் சுவாமி விவேகானந்தரின் வார்த்தைகளை அவர் நினைவு கூர்ந்தார், இந்திய கலாச்சாரத்தில், ஒரு நபரை உண்மையிலேயே வரையறுப்பது பண்புதான் என்பதை அடிக்கோடிட்டுக் காட்டினார். வலுவான பொருளாதார அடித்தளங்கள் மற்றும் வளர்ந்து வரும் இராணுவ வலிமையில் வேரூன்றிய இந்தியாவின் உயர்ந்து வரும் உலகளாவிய அந்தஸ்தில் புலம்பெயர்ந்தோர் தங்கள் பெருமையை எதிரொலித்தனர்.
திவாஹர்