பிரதமர் திரு நரேந்திர மோடி, ஐக்கிய அரபு அமீரகத்தின் ஜனாதிபதி மாண்புமிகு ஷேக் முகமது பின் சயீத் அல் நஹ்யானிடமிருந்து தொலைபேசி அழைப்பைப் பெற்றார்.
ஐக்கிய அரபு அமீரக ஜனாதிபதி, பிரதமரின் பிறந்தநாளுக்கு தனது அன்பான வாழ்த்துக்களைத் தெரிவித்தார்.
எரிசக்தி, பாதுகாப்பு, தொழில்நுட்பம், முதலீடு மற்றும் சுகாதாரம் உள்ளிட்ட துறைகளில் இந்தியா-ஐக்கிய அரபு அமீரகத்தின் விரிவான மூலோபாய கூட்டாண்மையை மேலும் ஆழப்படுத்துவதற்கான புதிய நடவடிக்கைகள் குறித்து இரு தலைவர்களும் விவாதித்தனர்.
இந்தியாவின் வெற்றிகரமான பிரிக்ஸ் தலைமைத்துவத்திற்காக ஐக்கிய அரபு அமீரக ஜனாதிபதி பிரதமருக்கு வாழ்த்து தெரிவித்தார். பிரிக்ஸ் உச்சிமாநாட்டில் மாண்புமிகு பட்டத்து இளவரசர் ஷேக் காலித் அவர்களின் பங்கேற்பையும், இந்தியாவின் தலைமைத்துவத்தின் கீழ் குறிப்பிடத்தக்க முடிவுகளை அடைவதில் ஐக்கிய அரபு அமீரகம் வழங்கிய ஒத்துழைப்பு மற்றும் கூட்டாண்மையையும் பிரதமர் பாராட்டினார்.
மேற்கு ஆசியாவில் ஏற்பட்டுள்ள முன்னேற்றங்கள் குறித்து இரு தலைவர்களும் கருத்துக்களைப் பரிமாறிக் கொண்டனர். பிராந்திய அமைதி, பாதுகாப்பு மற்றும் நிலைத்தன்மையை மேம்படுத்துவதற்கான முயற்சிகளில் தொடர்ச்சியான ஒத்துழைப்பு மற்றும் ஒருங்கிணைப்புக்கான தங்கள் உறுதிப்பாட்டை அவர்கள் மீண்டும் வலியுறுத்தினர்.
திவாஹர்