பல்வேறு துறைகளில் சிறந்து விளங்கும் நபர்களை ஊக்குவிக்கும் வகையில், நியூஸ் 18 தமிழ்நாடு தொலைக்காட்சி சார்பில் “மகுடம்” விருது வழங்கும் விழா, இன்று (16.10.2017) மாலை சென்னையில் நடைப்பெற்றது.
இவ்விழாவில், குடியரசு துணைத்தலைவர் வெங்கய்யா நாயுடு, தமிழக ஆளுநர் பன்வாரிலால் புரோஹித், புதுச்சேரி முதலமைச்சர் வி.நாராயணசாமி, தமிழக துணை முதலமைச்சர் ஓ.பன்னீர்செல்வம், தமிழக மீன்வளத்துறை அமைச்சர் ஜெயக்குமார் மற்றும் பலர் கலந்துக்கொண்டனர்.
இவ்விழாவில் சிறப்பு விருந்தினராக கலந்துக்கொண்ட குடியரசு துணைத்தலைவர் வெங்கய்யா நாயுடு, அனைவரும் தமிழில் பேசவேண்டும் என்று அறிவுறுத்தினார். தாய்மொழியின் அவசியம் குறித்தும், அவற்றின் பெருமைகள் குறித்தும் உணர்ச்சிப் பொங்க உரையாற்றினார். “தாய்மொழி கண்களை போன்றது; பிற மொழிகள் கண்ணாடியை போன்றது. எனவே, அனைவரும் தாய்மொழியை மதிக்க வேண்டும்; தாய்மொழியிலேயே பேசவேண்டும் என்றும் அவர் வலியுறுத்தினார்.
-எஸ்.திவ்யா.
-சி.வேல்முருகன்.