திருவண்ணாமலை மாவட்டம், செய்யாறு சிப்காட்டில் உள்ள லோட்டஸ் ஃபுட்வேர்– (Lotus Food Wear) காலணி தொழிற்சாலையில் Site:1-ல் ஊழியர்களுக்கு சரியான முறையில் போனஸ் வழங்கப்படுகிறது.
ஆனால், Site:2-ல் உள்ள ஈஸ்ட் விண்ட் ஃபுட்வேர் (East Wint Food Wear) காலணி தொழிற்சாலையில் பணியாளர்களுக்கு தரவேண்டிய போனஸ் தொகையை முழுமையாக வழங்காததால், தொழிற்சாலை நிர்வாகத்தை கண்டித்து, 1200-க்கும் மேற்பட்ட தொழிலாளர்கள் உள்ளிருப்புப் போராட்டத்தில் ஈடுபட்டனர்.
போராட்டத்தில் ஈடுபட்ட தொழிலாளர்களை அழைத்து, ஈஸ்ட் விண்ட் ஃபுட்வேர் நிர்வாகம் பேச்சுவார்த்தை நடத்தாததால், ஆத்திரமடைந்த ஊழியர்கள், தொழிற்சாலையை விட்டு வெளியேறி காஞ்சிபுரம் – வந்தவாசி சாலையில் அமர்ந்து 27.09.2017 அன்று மறியலில் ஈடுபட்டனர். இதனால் அங்கு ஒரு மணி நேரத்திற்கு மேல் போக்குவரத்து பாதிப்பு ஏற்பட்டது.
-மு.ராம்ராஜ்.