முப்படைத் தளபதி ஜெனரல் அனில் சவுகான் இன்று இந்திய தொழில் வர்த்தக சபைகளின் கூட்டமைப்பான ஃபிக்கி ஏற்பாடு செய்திருந்த அம்மோ இந்தியா 2022-ல் உரையாற்றினார். உலகளாவிய இடையூறுகள் இந்திய பாதுகாப்பு சுற்றுச்சூழல் அமைப்புக்கு அவற்றின் பாதுகாப்பு உற்பத்தி திறன்களை அதிகரிக்க ஒரு வாய்ப்பை வழங்கியுள்ளன, இதனால் இந்தியா ஒரு இறக்குமதியாளர் என்ற நிலையிலிருந்து மற்றும் வெடிமருந்துகளின் ஏற்றுமதியாளராக மாறுகிறது என்று அவர் கூறினார்.
உலகளாவிய புவிசார் அரசியல் சூழல் நிலையற்றதாக உள்ளது என்று அவர் கூறினார். “பெரிய உலகளாவிய இடையூறுகளின் சகாப்தத்தை நாம் கடந்து கொண்டிருக்கிறோம். உலகின் நிலையற்ற தன்மை, நிச்சயமற்ற தன்மை, சிக்கலான தன்மை மற்றும் தெளிவின்மை ஆகியவற்றின் மாறுபாடுகளுக்கு மத்தியில், உலகளாவிய ஆயுதத் தொழில் விரிவடைந்து வரும் தேவை மற்றும் விநியோக இடைவெளியின் தீர்க்க முடியாத பிரச்சினையுடன் போராடுகிறது, “என்று அவர் கூறினார்.
ஜெனரல் அனில் சவுகான் தற்சார்பு மற்றும் பாதுகாப்பில் தன்னம்பிக்கையின் முக்கியத்துவத்தை எடுத்துரைத்து, தேசத்திற்கான சுயாட்சியை அடைவதற்கு இது எவ்வாறு முக்கியமானது என்பதை வலியுறுத்தினார். பல்வேறு கொள்கை மாற்றங்கள், சீர்திருத்தங்கள், பாதுகாப்பு அமைச்சகம் மற்றும் ஆயுதப்படைகளின் முன்முயற்சிகள் ஆகியவற்றை குறிப்பாக வெடிமருந்து உற்பத்தி தொடர்பாக இந்தியாவில் உற்பத்தி செய்வோம் மற்றும் மேக் ஃபார் தி வேர்ல்ட் இயக்கத்தை ஊக்குவிக்க மேற்கொண்ட முன்முயற்சிகளை அவர் குறிப்பிட்டார்.
சிவில் – ராணுவ இணைப்பின் முக்கியத்துவத்தை அடிக்கோடிட்டுக் காட்டிய அவர், நாட்டின் தற்சார்பு இயக்கத்தை மேம்படுத்த சேவைகள், பாதுகாப்புத் தொழில்கள் மற்றும் கல்வியாளர்கள் உள்ளிட்ட விஞ்ஞானிகள் ஒன்றிணைய வேண்டும் என்று அழைப்பு விடுத்தார்.
முழு நாள் நிகழ்வில் டாங்கிகள், பீரங்கிகள், வான் பாதுகாப்பு, வான்வழி மற்றும் கடற்படை, ஆளில்லா தளங்களுக்கான வெடிமருந்துகள், எதிர்கால வெடிமருந்துகள் மற்றும் சிறிய ஆயுதங்களுக்கான வெடிமருந்து தேவைகள் குறித்து விவாதிக்கும் அமர்வுகள் உள்ளன. தற்சார்பைக் காண்பிக்கும் கண்காட்சியையும் டிஜனரல் அனில் சவுகான் திறந்து வைத்தார்.
திவாஹர்