ரயில் நிலையங்களை மறுவடிவமைப்பு செய்வதற்காக ரயில்வே அமைச்சகம் அம்ரித் பாரத் நிலையத் திட்டத்தைத் தொடங்கியுள்ளது. இதுவரை, அம்ரித் பாரத் நிலையத் திட்டத்தின் கீழ் மேம்பாட்டிற்காக 1338 நிலையங்கள் அடையாளம் காணப்பட்டுள்ளன, அவற்றில் 13 நிலையங்கள் டெல்லியில் அமைந்துள்ளன. டெல்லியில் அம்ரித் பாரத் நிலையத் திட்டத்தின் கீழ் மேம்பாட்டிற்காக அடையாளம் காணப்பட்ட நிலையங்களின் பெயர்கள் பின்வருமாறு:-
| மாநிலம் | அமிர்த நிலையங்களின் எண்ணிக்கை | அமிர்த நிலையங்களின் பெயர்கள் |
| டெல்லி | 13 | ஆதர்ஷ்நகர் டெல்லி, ஆனந்த் விஹார், பிஜ்வாசன், டெல்லி, டெல்லி கான்ட், டெல்லி சராய் ரோஹில்லா, டெல்லி ஷஹாத்ரா, ஹஸ்ரத் நிஜாமுதீன், நரேலா, புது டெல்லி, சப்ஜி மண்டி, சஃப்தர்ஜங், திலக் பாலம். |
டெல்லியில் அமைந்துள்ள சில நிலையங்களில் மேற்கொள்ளப்படும் மேம்பாட்டுப் பணிகள் பின்வருமாறு:-
சஃப்தர்ஜங் : சிக்னல் மற்றும் டெலிகாம் கட்டிடத்தின் கட்டுமானப் பணிகள் நிறைவடைந்து, அது செயல்பாட்டுக்குக் கொண்டுவரப்பட்டுள்ளது. நிலையக் கட்டிடத்தின் பணிகள் நிறைவடைந்து, இறுதிப் பணிகள் மேற்கொள்ளப்பட்டுள்ளன. செயல்பாட்டில் உள்ள கட்டிடத்தின் கட்டமைப்புப் பணிகள் நிறைவடைந்துள்ளன. விமானப் போக்குவரத்து முனையத்தின் அஸ்திவாரம் மற்றும் தூண் அமைக்கும் பணிகள் நிறைவடைந்து, தாங்குசட்டங்கள் பொருத்தும் பணி மேற்கொள்ளப்பட்டுள்ளது. புறப்பாடு முனையத்தின் மேற்கூரை அமைக்கும் பணி நிறைவடைந்துள்ளது. நடைமேடை நிழல் கூரை அமைத்தல், போக்குவரத்து மற்றும் அணுகுசாலைகளை மேம்படுத்துதல் ஆகிய பணிகள் மேற்கொள்ளப்பட்டுள்ளன.
பிஜ்வாசன் : ரயில் நிலையக் கட்டிடம் மற்றும் விமானப் போக்குவரத்து முனையத்தின் கட்டமைப்புப் பணிகள் நிறைவடைந்து, இறுதிப் பணிகள் மேற்கொள்ளப்பட்டுள்ளன. நடைமேடை நிழற்குடைகளுக்கான பணிகள் மேற்கொள்ளப்பட்டுள்ளன. மின் துணை நிலையத்தின் கட்டமைப்புப் பணிகள் நிறைவடைந்து, அகழி தோண்டும் பணி மேற்கொள்ளப்பட்டுள்ளது. கழிவுநீர் சுத்திகரிப்பு நிலையம் மற்றும் சுரங்கப்பாதையின் கட்டமைப்புப் பணிகள் நிறைவடைந்து, இறுதிப் பணிகள் மேற்கொள்ளப்பட்டுள்ளன.
டெல்லி கண்டோன்மென்ட் : ரயில் நிலையக் கிழக்குப் பகுதி கட்டிடத்தின் (பகுதி 1) கட்டமைப்புப் பணிகளும், குடியிருப்புப் பகுதிகளின் கட்டமைப்புப் பணிகளும் நிறைவடைந்துள்ளன. ரயில் நிலையக் கிழக்குப் பகுதி கட்டிடத்தின் (பகுதி 2) கட்டமைப்புப் பணிகள், மேம்பாலச் சாலை, வருகை மற்றும் புறப்பாடு முனையம், ரயில்வே குடியிருப்புகளின் இறுதிப் பணிகள், வெளிப்புற மேம்பாட்டுப் பணிகள், நடைமேடை மற்றும் மேல்நிலை நீர்த்தேக்கத்தைப் புதுப்பித்தல் மற்றும் ரயில் நிலையக் கிழக்குப் பகுதி கட்டிடத்தின் (பகுதி 1) இறுதிப் பணிகள் மேற்கொள்ளப்பட்டுள்ளன.
திவாஹர்