ஏப்ரல் முதல் ஜனவரி 2024 வரை, முந்தைய ஆண்டின் இதே காலகட்டத்துடன் ஒப்பிடும்போது, மின் உற்பத்தியில் இந்தியா குறிப்பிடத்தக்க 6.60% வளர்ச்சியைக் கண்டுள்ளது. குறிப்பாக இந்த காலகட்டத்தில் நிலக்கரி அடிப்படையிலான மின் உற்பத்தியில் பாராட்டத்தக்க 10.06% வளர்ச்சி இருந்தது குறிப்பிடத்தக்கது.
அதிகரித்து வரும் மின் தேவை இருந்தபோதிலும், கலப்பிற்கான நிலக்கரி இறக்குமதி, முந்தைய ஆண்டின் இதே காலக்கட்டத்தில் 30.58 மெட்ரிக் டன்னிலிருந்து ஏப்ரல் 23-ஜனவரி 24 வரை 36.69% குறைந்து 19.36 மெட்ரிக் டன்னாக இருந்தது. நிலக்கரி உற்பத்தியில் தன்னிறைவை அடைவதற்கும் ஒட்டுமொத்த நிலக்கரி இறக்குமதியைக் குறைப்பதற்கும் நாட்டின் உறுதியான உறுதிப்பாட்டை இது எடுத்துக்காட்டுகிறது.
இந்தியாவில், மின் உற்பத்தியானது வழக்கமான (வெப்ப, அணு மற்றும் நீர்) மற்றும் புதுப்பிக்கத்தக்க ஆதாரங்களில் (காற்று, சூரிய, உயிரி போன்றவை) பன்முகப்படுத்தப்படுகிறது. இருப்பினும், நிலக்கரி முக்கிய ஆதாரமாக உள்ளது, மொத்த மின் உற்பத்தியில் 70% பங்களிக்கிறது.
இந்தியாவில் நிலக்கரி அடிப்படையிலான மின் உற்பத்தி, நாட்டின் வளர்ந்து வரும் எரிசக்தி தேவைகளை பூர்த்தி செய்வதில் முக்கியமானது. தற்போது, இந்தியா தொழில்துறை விரிவாக்கம், தொழில்நுட்ப முன்னேற்றம் மற்றும் பொருளாதார வளர்ச்சி போன்றவற்றால் உந்தப்பட்டு, மின் தேவைகளில் கணிசமான எழுச்சியை சந்தித்து வருகிறது.
நிலக்கரி உற்பத்தியை மேலும் அதிகரிப்பதற்கு அரசாங்கம் இடைவிடாத முயற்சிகளை மேற்கொண்டு வருகிறது. இந்த மூலோபாய அணுகுமுறை நாட்டின் எரிசக்தி பாதுகாப்பை மேம்படுத்தும் அதே வேளையில் வெளிநாட்டு இருப்புக்களை பாதுகாக்க உதவுகிறது.
திவாஹர்