விசாகப்பட்டினத்தில் கூகுள் கிளவுட் இந்தியா ஏஐ மையத்தின் அடிக்கல் நாட்டு விழாவிற்குப் பிறகு கூட்டத்தில் உரையாற்றிய மத்திய ரயில்வே, மெய்ன், இந்தியா மற்றும் தகவல் & ஒளிபரப்புத் துறை அமைச்சர் திரு. அஸ்வினி வைஷ்ணவ், தென்கடற்கரை ரயில்வே மண்டலத்தை உருவாக்குவதற்கான அரசிதழ் அறிவிக்கை வெளியிடப்படும் என்றும், அது ஜூன் 1, 2026-ஐ அமலுக்கு வரும் தேதியாக அறிவிக்கை செய்யும் என்றும் தெரிவித்தார். இந்த முன்னேற்றம், ஆந்திரப் பிரதேசத்தில் ரயில்வே நிர்வாகத்தை வலுப்படுத்துவதற்கான ஒரு குறிப்பிடத்தக்க படியாகும் என்றும் அவர் குறிப்பிட்டார்.
ஆந்திரப் பிரதேசம் மற்றும் தெலங்கானா ஆகிய ஒருங்கிணைந்த மாநிலங்களுக்கு முந்தைய ஆண்டுகளில் ஒதுக்கப்பட்ட ₹ 886 கோடியுடன் ஒப்பிடுகையில், ஆந்திரப் பிரதேசம் ₹ 10,134 கோடி என்ற சாதனை அளவிலான ரயில்வே நிதி ஒதுக்கீட்டைப் பெற்றுள்ளது என்றும், இது ஒரு கணிசமான அதிகரிப்பு என்றும் அமைச்சர் மேலும் விளக்கினார் .
துறைமுகங்கள், சுற்றுலாத் தலங்கள் மற்றும் முக்கிய நகரங்களுக்கான இணைப்புகள் உட்பட, மாநிலம் முழுவதும் இணைப்பை மேம்படுத்தும் நோக்கில், ஆந்திரப் பிரதேசத்தில் சுமார் ரூ.1,06,000 கோடி மதிப்பிலான ரயில்வே திட்டங்கள் தற்போது நடைபெற்று வருவதாக அவர் குறிப்பிட்டார்.
உள்கட்டமைப்பு சாதனைகளைக் குறிப்பிடுகையில், ஆந்திரப் பிரதேசத்தில் 74 ரயில் நிலையங்கள் புனரமைக்கப்பட்டு முழுமையாக மறுவடிவமைக்கப்பட்டு வருவதை, நாட்டின் ஒரு வரலாற்றுச் சாதனை என அமைச்சர் எடுத்துரைத்தார்.
மேலும் விவரங்களை அளித்து, AP-யில் அவர் கூறியதாவது:
832 மேம்பாலங்கள் மற்றும் சுரங்கப்பாதைகள் கட்டி முடிக்கப்பட்டுள்ளன.
299 மேம்பாலங்கள் மற்றும் கீழ்ப்பாலங்கள் கட்டுமானத்தில் உள்ளன.
1,759 கி.மீ. ரயில் பாதை பணிகள் நிறைவடைந்துள்ளன.
3,300 கி.மீ. நீளமுள்ள ரயில் பாதை கட்டுமானத்தில் உள்ளது.
ஆந்திரப் பிரதேசம் தனது ரயில்வே வலையமைப்பை 100% மின்மயமாக்கியுள்ளதாகவும், இதன் மூலம் ரயில்வே நவீனமயமாக்கலில் முன்னணி பிராந்தியங்களில் ஒன்றாகத் திகழ்வதாகவும் அமைச்சர் அறிவித்தார்.
பயணிகள் சேவைகள் குறித்துப் பேசிய அமைச்சர், தற்போது மாநிலத்தில் 16 வந்தே பாரத் ரயில்களும் 22 அம்ரித் பாரத் ரயில்களும் இயக்கப்பட்டு, பயணத் திறனையும் வசதியையும் மேம்படுத்துவதாகக் குறிப்பிட்டார்.
மேலும், கிழக்குக் கடற்கரை ரயில் பாதை வழித்தடம் முழுவதும் நான்கு வழித்தடங்களாகத் தரம் உயர்த்தப்பட்டு வருவதாகவும், இது கொள்ளளவை இரட்டிப்பாக்கி, 500 புதிய ரயில்கள் வரை இயக்க வழிவகுக்கும் எனவும் அவர் தெரிவித்தார்.
கிழக்குக் கடற்கரை வழித்தடத்திலுள்ள துறைமுகங்கள், சுற்றுலா மையங்கள் மற்றும் முக்கிய நகரங்களை இணைக்கும் வகையில் சரக்கு மற்றும் கொள்கலன் ரயில் சேவைகள் வலுப்படுத்தப்பட்டு வருவதாகவும், அதன் மூலம் தளவாடப் போக்குவரத்து மற்றும் பொருளாதார வளர்ச்சிக்கு ஊக்கமளிக்கப்படும் என்றும் அமைச்சர் மேலும் வலியுறுத்தினார்.
எதிர்கால அதிவேக இணைப்பு குறித்துப் பேசிய அவர், முக்கிய தெற்கு வழித்தடங்களில் முன்மொழியப்பட்ட அதிவேக இணைப்பு மற்றும் பயண நேரம் பற்றி மேலும் விளக்கினார்:
● அமராவதியிலிருந்து ஹைதராபாத் – சுமார் 70 நிமிடங்கள்
● அமராவதியிலிருந்து சென்னைக்கு – சுமார் 112 நிமிடங்கள்
● ஹைதராபாத்திலிருந்து புனே – சுமார் 1 மணி 55 நிமிடங்கள்
● புனேவிலிருந்து மும்பை – சுமார் 48 நிமிடங்கள்
● சென்னையிலிருந்து பெங்களூரு – சுமார் 73 நிமிடங்கள்
● ஹைதராபாத்திலிருந்து பெங்களூரு – சுமார் 2 மணி 8 நிமிடங்கள்
இந்த வலையமைப்பை அவர் ஒரு “அதிவேக வைரம்” என்று வர்ணித்தார், இது தென்னிந்தியா முழுவதும் போக்குவரத்து, பொருளாதார ஒருங்கிணைப்பு மற்றும் பிராந்திய வளர்ச்சியை கணிசமாக மேம்படுத்தும்.
இந்த முன்னெடுப்புகள், ஆந்திரப் பிரதேசத்தை ஒரு முக்கிய இரயில்வே மற்றும் சரக்குப் போக்குவரத்து மையமாக மாற்றி, பொருளாதார வளர்ச்சி மற்றும் பிராந்திய ஒருங்கிணைப்பை ஊக்குவிப்பதில் மத்திய அரசின் அர்ப்பணிப்பைப் பிரதிபலிக்கின்றன என்று அமைச்சர் கூறி முடித்தார்.
சமச்சீரான வளர்ச்சி மற்றும் நலனை உறுதி செய்வதில் அரசு உறுதியாக உள்ளது என்றும், மத்தியில் உள்ள என்டிஏ அரசு உள்கட்டமைப்பு வளர்ச்சி மற்றும் பொது நலன் ஆகியவற்றில் தென்னிந்திய மாநிலங்களுக்கு முழுமையான நீதியை வழங்கும் என்றும் அவர் வலியுறுத்தினார். மேலும், எதிர்க்கட்சிகள் வளர்ச்சிப் பிரச்சினைகளை அரசியல்மயமாக்கி வருவதாகவும் அவர் குறிப்பிட்டார்.
எம்.பிரபாகரன்