ஆர்.கே.நகரில் போட்டியிட்டு வெற்றிபெற்ற டிடிவி தினகரன் இன்று சென்னை தலைமை செயலகத்தில் சட்டமன்ற உறுப்பினராக பதவியேற்றுக்கொண்டார். அவருக்கு சபாநாயகர் பி.தனபால் பதவிப்பிரமாணம் செய்து வைத்தார்.
பதவிப்பிரமாணம் செய்து வைத்த பின்னர், சபாநாயகர் பி.தனபால், டிடிவி தினகரனுடன் கைகுலுக்கி வாழ்த்து தெரிவித்தார். இதனைத் தொடர்ந்து உறுதிமொழி வாசகத்தை டிடிவி தினகரன் வாசித்தார்.
முன்னதாக, பதவியேற்பு நிகழ்ச்சியில் பங்கேற்பதற்காக வருகை தந்த டிடிவி தினகரனுக்கு, தலைமைச் செயலகம் செல்லும் வழியில் ஏராளமான தொண்டர்கள் பூங்கொத்து கொடுத்தும், சால்வைகள் வழங்கியும் உற்சாக வரவேற்பு அளித்தனர்.
-டாக்டர்.துரைபெஞ்சமின்.
ullatchithagaval@gmail.com
