ஏஜி பேரறிவாளன் 19 வயதில் முன்னாள் பாரதப் பிரதமர் ராஜீவ் காந்தி படுகொலைக்கு வெடிகுண்டு தயாரிப்பதற்கு உதவியதற்காக குற்றவாளியாக அறிவிக்கப்பட்டு மரண தண்டனை விதிக்கப்பட்டார்.
கருணை மனுக்கள் மீது முடிவெடுப்பதில் அப்போதைய இந்திய குடியரசு தலைவர் தாமதம் ஏற்படுத்தியதால், உச்ச நீதிமன்றம், 2014-ல், ஏஜி பேரறிவாளன் மரண தண்டனையை ஆயுள் தண்டனையாகக் குறைத்தது.
பின்னர் 2015 ஆம் ஆண்டு டிசம்பர் 30 ஆம் தேதி மன்னிப்பு மற்றும் தண்டனையை நீக்குமாறு அப்போதைய தமிழ்நாடு ஆளுநரிடம் ஏஜி பேரறிவாளன் விண்ணப்பித்தார்.
ஏறக்குறைய மூன்று ஆண்டுகளுக்குப் பிறகு, செப்டம்பர் 2018 ல், ஏஜி பேரறிவாளன் மன்னிப்பு மனு மீது முடிவு எடுக்குமாறு, உச்ச நீதிமன்றம் தமிழ்நாடு ஆளுநரைக் கேட்டுக்கொண்டது.
அடுத்த மூன்று நாட்களுக்குப் பிறகு, ஏஜி பேரறிவாளனின் தண்டனையை ரத்து செய்து அவரை உடனடியாக விடுதலை செய்யுமாறு தமிழ்நாடு அமைச்சரவை ஆளுநருக்குப் பரிந்துரைத்தது.
இரண்டு தசாப்தங்களாக சிறையில் தண்டனை அனுபவித்து வரும் பேரறிவாளன் போன்ற குற்றவாளிகளின் மன்னிப்பு மனு மீது முடிவெடுப்பதில் படுகொலை தொடர்பான விசாரணை தடுக்க தேவையில்லை என்று 2020 நவம்பரில் உச்ச நீதிமன்றம் தமிழ்நாடு ஆளுநரைக் கேட்டுக்கொண்டது..
இந்நிலையில், மத்திய புலனாய்வு அமைப்பு (சிபிஐ) 2020 அக்டோபரில் குற்றவாளிகளின் மன்னிப்பு மனு மீது, தமிழ்நாடு ஆளுநரே முடிவு செய்ய தகுதியானவர் என்று உச்ச நீதிமன்றத்தில் கூறியது.
ஆனால், இந்த விவகாரத்தில் முடிவெடுப்பதற்கு குடியரசு தலைவருதான் தகுதியானவர் என தமிழ்நாடு ஆளுநர் தெரிவித்தார்.
அரசியல் சாசனத்தின் 161 வது பிரிவின் கீழ் பேரறிவாளனின் மனுவை பரிசீலிக்க ஆளுநர் மறுத்துவிட்டார், இது குற்றவாளியை மீண்டும் நீதிமன்றத்தை அணுக தூண்டியது.
சட்டப்பிரிவு 161-ன் கீழ் ஆளுநரின் அதிகாரங்களைப் பயன்படுத்துவதில் விவரிக்க முடியாத தாமதம் இருக்க முடியாது என்றும், அது நீதித்துறை மறுஆய்வுக்கு உட்படுத்தப்படலாம் என்றும் உச்ச நீதிமன்றம் கூறியது.
ஆளுநர் ஒரு கைப்பிடி மட்டுமே. இந்த விவகாரத்தை மீண்டும் ஆளுநரிடம் ஒப்படைக்க நாங்கள் விரும்பவில்லை என்று உச்ச நீதிமன்றம் தெளிவுபடுத்தியது. அந்த அடிப்படையில் தான் நீதிபதிகள் எல்.நாகேஸ்வரராவ், பி.ஆர்.கவை, ஏ.எஸ்.போபண்ணா ஆகியோர் அடங்கிய அமர்வு, அரசியல் சட்டப்பிரிவு 142-ன் கீழ் உள்ள அதிகாரங்களைப் பயன்படுத்தி பேரறிவாளனை இன்று (18/05/2022) விடுதலை செய்துள்ளனர்.
ஆக, இந்த விவகாரத்தில் தமிழ்நாடு ஆளுநரும், இந்திய குடியரசு தலைவரும் தங்கள் கடமைகளை உரிய காலத்திற்குள் சரிவர செய்யாதக் காரணத்தால், சட்டப்பிரிவு 142-ன் கீழ் உள்ள அதிகாரங்களைப் பயன்படுத்தி உச்ச நீதிமன்றம் தனது கடமையை நிறைவேற்றியுள்ளது.
உச்சநீதிமன்ற தீர்ப்புரையின் உண்மை நகல், நமது வாசகர்களின் பார்வைக்காக இங்கு நாம் பதிவு செய்துள்ளோம்.
SC-Judgement-on-Perarivalan-_watermarked
–Dr.துரை பெஞ்சமின்.
Editor and Publisher
UTL MEDIA TEAM
www.ullatchithagaval.com
Mobile No.98424 14040.
E-mail : editorutlmedia@gmail.com
