இந்தியப் பெருங்கடல் கப்பலான (IOS) சாகர் – ஐஎன்எஸ் சுனய்னா , அதிவேகமான மூன்று நாள் செயல்பாட்டுப் பராமரிப்புப் பணியை (OTR) நிறைவுசெய்து, 17 ஏப்ரல் 2026 அன்று தாய்லாந்தின் பூக்கெட்டிலிருந்து புறப்பட்டது. இது, நடைபெற்று வரும் பணியின்போது அதன் இரண்டாவது துறைமுக வருகையின் வெற்றிகரமான நிறைவைக் குறிக்கிறது.
பூக்கெட் பயணத்தின் போது, IOS SAGAR, தாய்லாந்து அரச கடற்படையுடன் (RTN) தொடர்ச்சியான தொழில்முறை, உத்திசார் மற்றும் கலாச்சார சந்திப்புகளை மேற்கொண்டு, இருதரப்பு கடற்படை ஒத்துழைப்பை குறிப்பிடத்தக்க அளவில் வலுப்படுத்தியது. INS சுனய்னாவின் கட்டளை அதிகாரியான கமாண்டர் சித்தார்த் சௌத்ரி, தாய்லாந்து அரச கடற்படையின் மூன்றாவது கடற்படைப் பகுதி கட்டளையகத்தின் தலைமைத் தளபதியான ரியர் அட்மிரல் சதாபோர்ன் வஜாரத்தை சந்தித்து , கடல்சார் ஒத்துழைப்புக்கான பகிரப்பட்ட உறுதிப்பாட்டை மீண்டும் உறுதிப்படுத்தினார்.
ஐஓஎஸ் சாகர் மற்றும் ஆர்டிஎன் குழுவினர் பங்கேற்ற ஒரு நட்பு ரீதியான கால்பந்துப் போட்டி மற்றும் ஒரு கூட்டு யோகா அமர்வு ஆகியவற்றின் மூலம் தொழில்முறை மற்றும் தனிப்பட்ட உறவுகள் மேம்படுத்தப்பட்டன. கப்பலில் நடத்தப்பட்ட ஒரு முறையான வரவேற்பு நிகழ்ச்சியில் மூத்த கடற்படைப் பிரமுகர்கள் கலந்துகொண்டனர். இது, ஐஓஎஸ் சாகர் திட்டத்தின் செயல்பாடுகள் குறித்த கருத்துக்களைப் பகிர்ந்துகொள்வதற்கும், கடல்சார் ஒத்துழைப்பு மற்றும் பிராந்தியப் பாதுகாப்பு குறித்த கலந்துரையாடல்களுக்கும் ஒரு தளத்தை ஏற்படுத்திக் கொடுத்தது. மக்கள்-மக்களுக்கு இடையேயான தொடர்பை ஊக்குவிக்கும் வகையில், கப்பல் பார்வையாளர்களுக்காகத் திறக்கப்பட்டது.
HTMS க்ளோங்யாய் கப்பலுடன் நடைபெற்ற ஒரு வழித்தடப் பயிற்சியின் (PASSEX) போது, தகவல் தொடர்புப் பயிற்சிகள் மற்றும் அணிவகுப்பு சூழ்ச்சிகளை உள்ளடக்கிய செயல்பாட்டு ஒருங்கிணைப்பு நிரூபிக்கப்பட்டது. இது இரு கடற்படைகளுக்கும் இடையிலான தடையற்ற ஒருங்கிணைப்பு மற்றும் “பிளக்-அண்ட்-பிளே” திறனை எடுத்துக்காட்டுகிறது. பிராந்தியங்கள் முழுவதும் பாதுகாப்பு மற்றும் வளர்ச்சிக்கான பரஸ்பர மற்றும் முழுமையான முன்னேற்றம் என்ற மகாசாகர் தொலைநோக்குப் பார்வையுடன் இணைந்த, இந்தியா மற்றும் தாய்லாந்து இடையேயான வலுவான மற்றும் நீடித்த கடல்சார் கூட்டாண்மையை இந்தப் பயணம் அடிக்கோடிட்டுக் காட்டுகிறது .
தென்கிழக்கு இந்தியப் பெருங்கடல் பிராந்தியத்தில் கடல்சார் ஒத்துழைப்பை வலுப்படுத்தும் தனது பணியைத் தொடரும் வகையில், ஐஓஎஸ் சாகர் தற்போது தனது அடுத்த நிறுத்தமான இந்தோனேசியாவின் ஜகார்த்தாவிற்குப் புறப்பட்டுள்ளது .
எஸ்.சதிஸ் சர்மா