பிப்ரவரி 09, 2026 அன்று புதுதில்லியில் ஹெலனிக் குடியரசின் தேசிய பாதுகாப்பு அமைச்சர் திரு. நிகோலாஸ்-ஜார்ஜியோஸ் டெண்டியாஸுடன் பாதுகாப்பு அமைச்சர் ஸ்ரீ ராஜ்நாத் சிங் இருதரப்பு சந்திப்பை நடத்தினார். இந்தியா-கிரீஸ் மூலோபாய கூட்டாண்மை அமைதி, ஸ்திரத்தன்மை, சுதந்திரம் மற்றும் பரஸ்பர மரியாதை ஆகிய பகிரப்பட்ட மதிப்புகளை அடிப்படையாகக் கொண்டது என்பதை இரு அமைச்சர்களும் மீண்டும் வலியுறுத்தினர்.
இந்தியாவின் ‘ஆத்மநிர்பர் பாரத்’ மற்றும் ‘நிகழ்ச்சி நிரல் 2030’ இன் கீழ் ஹெலனிக் பாதுகாப்பு சீர்திருத்தங்கள் ஆகியவற்றுக்கு இடையேயான கூட்டாண்மை மூலம் அந்தந்த உள்நாட்டு பாதுகாப்புத் தொழில்களின் திறனை விரிவுபடுத்த இரு நாடுகளும் முடிவு செய்தன. இந்தியாவிற்கும் கிரேக்கத்திற்கும் இடையிலான பாதுகாப்புத் தொழில்துறை ஒத்துழைப்பை வலுப்படுத்துவதற்கான கூட்டு நோக்கப் பிரகடனம் கையெழுத்தானது, இது ஐந்தாண்டு திட்டத்திற்கான தொடக்கப் புள்ளியாகும்.
பிராந்திய அமைதி மற்றும் பாதுகாப்பு தொடர்பான பல்வேறு பிரச்சினைகள் குறித்து பாதுகாப்பு அமைச்சர்கள் விவாதித்தனர் மற்றும் இருதரப்பு பாதுகாப்பு ஒத்துழைப்பு மற்றும் மூலோபாய உறவுகளை ஆழப்படுத்துவதை ஒப்புக்கொண்டனர். 2026 ஆம் ஆண்டிற்கான இருதரப்பு இராணுவ ஒத்துழைப்புத் திட்டமும் பரிமாறிக் கொள்ளப்பட்டது, இது இரு நாடுகளின் ஆயுதப் படைகளுக்கு இடையிலான இராணுவ ஈடுபாடுகளுக்கான போக்கை வரைந்தது.
திவாஹர்