மத்திய வேளாண்மை மற்றும் விவசாயிகள் நலன் மற்றும் ஊரக மேம்பாட்டுத் துறை அமைச்சர் திரு. சிவராஜ் சிங் சௌஹான், போபாலில் உள்ள தனது இல்லத்தில் செய்தியாளர் சந்திப்பில் உரையாற்றுகையில், இந்தியாவிற்கும் அமெரிக்காவிற்கும் இடையிலான சமீபத்திய வர்த்தக ஒப்பந்தத்தை “வரலாற்று சிறப்புமிக்கது மற்றும் முன்னோடியில்லாதது” என்று விவரித்தார். இந்த ஒப்பந்தம் இந்தியப் பொருளாதாரத்திற்கு புதிய உத்வேகத்தை அளிக்கும் மற்றும் புதிய உயரங்களை எட்டும் ஒன்றாக இருக்கும் என்று அவர் கூறினார். இந்த வர்த்தக ஒப்பந்தம் வெறும் வணிக ஒப்பந்தம் மட்டுமல்ல; இது இந்தியாவின் உயர்ந்து வரும் உலகளாவிய கௌரவத்தின் அடையாளமாகும். இந்த ஒப்பந்தம் இந்தியப் பொருளாதாரத்தை வலுப்படுத்துவது மட்டுமல்லாமல், அதற்கு ஒரு புதிய திசையையும் வழங்கும். இந்த ஒப்பந்தம் முழு உலகிற்கும் ஒரு தெளிவான செய்தியைக் கொண்டுள்ளது என்று திரு. சிவராஜ் சிங் சௌஹான் வலியுறுத்தினார்.
“இந்த ஒப்பந்தம் இந்தியாவின் கொள்கை சமரசம் அல்ல, அர்ப்பணிப்பு என்பதை உலகிற்கு ஒரு செய்தியை அனுப்புகிறது. நாட்டின் நலனுக்காக நாங்கள் முழு நம்பிக்கையுடன் முடிவுகளை எடுக்கிறோம்,” என்று மத்திய அமைச்சர் கூறினார். மேலும், இந்தியா சர்வதேச அரங்கில் சமநிலையான மற்றும் நேர்மறையான உத்தியுடன் முன்னேறி வருவதாகவும் அவர் கூறினார். நாங்கள் பேரம் பேசும் அரசியலில் ஈடுபடவில்லை; அதற்கு பதிலாக, நாங்கள் சமநிலையான உத்தியை பின்பற்றுகிறோம், நேர்மறையான உரையாடலில் நம்பிக்கை கொண்டுள்ளோம். அதனால்தான் இன்று இந்தியா உலக அளவில் நம்பகமான மற்றும் வலுவான கூட்டாளியாக உருவெடுத்து வருகிறது.
திவாஹர்