விரைவில் நடைபெறவுள்ள நாடாளுமன்ற மக்களவைத் தேர்தலில் அ.இ.அ.தி.மு.க. சார்பில் போட்டியிடும் வேட்பாளர்களின் பட்டியலை, அ.இ.அ.தி.மு.க. பொதுச் செயலாளரும், முதலமைச்சருமான செல்வி ஜெ. ஜெயலலிதா, தமது 66-வது பிறந்தநாளையொட்டி, தலைமைக் கழகத்தில் இன்று (24.02.2014) வெளியிட்டார். இந்திய கம்யூனிஸ்ட், மார்க்சிஸ்ட் கம்யூனிஸ்ட் கட்சிகளுடன் கூட்டணி பேச்சுவார்த்தை நடைபெறுவதால், அது முடிந்ததும், அந்த கட்சிகளின் வேட்பாளர்கள் போட்டியிடும் தொகுதிகளில் கழக வேட்பாளர்கள் திரும்பப்பெறப்படுவார்கள் என்று முதலமைச்சர் செல்வி ஜெ.ஜெயலலிதா தெரிவித்தார்.
