மத்திய உள்துறை மற்றும் கூட்டுறவுத் துறை அமைச்சர் திரு அமித் ஷா, இன்று பஞ்சாபின் லூதியானாவில் நடைபெற்ற விஜயதசமி விழாவில் கலந்துகொண்டு, ‘சித்தம்’ (போதைப்பொருள்) எனும் குறியீட்டு இராவணனை எரிக்கும் சடங்கை நிகழ்த்தினார்.
தனது உரையில், மத்திய உள்துறை அமைச்சர் திரு அமித் ஷா, நமது பாரம்பரியத்தில், இராவணனின் உருவ பொம்மையை எரிப்பது தீமையின் மீது நன்மையின் வெற்றியின் சின்னமாகும் என்று கூறினார். விஜயதசமி என்பது ஒவ்வொருவரும் தங்களுக்குள் இருக்கும் அகங்காரம், கர்வம், பேராசை மற்றும் பிற தீமைகளை அகற்ற வேண்டிய நாளாகும். ஆயிரக்கணக்கான ஆண்டுகளுக்கு முன்பு இதே நாளில், ஸ்ரீ ராமர் இராவணனை வென்றார், அன்று முதல் உலகம் முழுவதும் ஸ்ரீ ராமரின் வெற்றியை தீமையின் மீது நன்மையின் வெற்றியாகக் கொண்டாடி வருகிறது. இராவண தஹனத்தைப் பார்க்க விரும்பினால், லூதியானாவுக்குச் செல்லுங்கள் என்று சிறுவயதிலிருந்தே கேட்டிருப்பதாகவும், அங்கு ராம்லீலா குழு 200 ஆண்டுகளாக இராவண தஹன நிகழ்ச்சியை ஏற்பாடு செய்து வருவதாகவும் அவர் கூறினார்.
போதைப்பொருள் ஒழிப்புப் போராட்டத்தில் தங்கள் மகன்களை இழந்த பஞ்சாபின் மூன்று இடங்களில் உள்ள குடும்பத்தினரை இன்று சந்தித்ததாக திரு அமித் ஷா கூறினார். அந்த உறவினர்களின் கண்களில் வழிந்த கண்ணீரும், அவர்களின் கேள்விகளும், வலியும் யாரையும் உள்ளுக்குள் உலுக்கப் போதுமானவை என்று அவர் கூறினார். ஒரு கொலையின் விசாரணையை பஞ்சாப் அரசு சிபிஐயிடம் ஒப்படைத்துள்ளதாக திரு ஷா தெரிவித்தார். மீதமுள்ள இரண்டு கொலைகளின் விசாரணையையும் சிபிஐயிடம் ஒப்படைக்குமாறு அவர் பஞ்சாப் அரசை வலியுறுத்தினார். இந்த வழக்குகளில் நீதி வழங்கப்படும் என்று உள்துறை அமைச்சர் நம்பிக்கை தெரிவித்தார். விசாரணை சிபிஐயிடம் ஒப்படைக்கப்பட்டவுடன், இந்தக் கொலைகளில் எவ்வளவு பெரிய நபர் ஈடுபட்டிருந்தாலும், மோடி அரசு அவர்களைக் கண்டுபிடித்து சிறையில் அடைக்கும்.
வாட்ஸ்அப் படம் 2026-10-20 அன்று 19.27.45.jpeg
இந்த விஜயதசமி அன்றே, 2029 டிசம்பர் 31-ஆம் தேதிக்குள் பஞ்சாப் முழுவதையும் போதைப்பொருள் வர்த்தகத்திலிருந்து விடுவித்து, அதனை போதைப்பொருள் இல்லாத பஞ்சாபாக மாற்றுவோம் என நாம் உறுதியெடுப்பதாக மத்திய உள்துறை அமைச்சர் கூறினார். தங்கள் உயிரை இழந்த இந்த மூன்று துணிச்சலான நபர்களுக்கு இதைவிடப் பெரிய அஞ்சலி இருக்க முடியாது என்றும் அவர் கூறினார். போதைப்பொருள் கட்டுப்பாட்டுப் பணியகத்தின் கட்டணமில்லா உதவி எண்ணுக்கு பஞ்சாப் மக்கள் போதைப்பொருள் வர்த்தகம் குறித்த தகவல்களை வழங்கினால், மோடி அரசு அதன் மீது நடவடிக்கை எடுக்கும் என்று திரு ஷா கூறினார்.
மோடி அரசு தான் அளித்த வாக்குறுதிகளை நிறைவேற்றிய வரலாறு கொண்டது என்று திரு அமித் ஷா கூறினார். சட்டப்பிரிவுகள் 370 மற்றும் 35A நீக்கப்பட்டுவிட்டன, பயங்கரவாதம் ஒழிக்கப்படும் தருவாயில் உள்ளது, மேலும் நாங்கள் நக்சலிசத்தை முடிவுக்குக் கொண்டு வந்துள்ளோம். இனி போதைப்பொருள் வர்த்தகத்தையும் ஒழிப்போம் என்றும் அவர் கூறினார் .
திவாஹர்