முன்னணி வழிகாட்டு ஏவுகணை மறைமுகப் போர்க்கப்பலான இந்திய கடற்படைக் கப்பல் திரிசூல், மத்திய தரைக்கடல், அட்லாண்டிக் மற்றும் அதை ஒட்டிய கடல் பகுதிகளுக்கு மேற்கொள்ளும் தனது தொடர்ச்சியான பயணத்தின் ஒரு பகுதியாக , 30 செப்டம்பர் 2026 அன்று ஸ்பெயினின் வலென்சியா துறைமுகத்திற்கு வந்தடைந்தது .
துறைமுக வருகையின் போது, ஐஎன்எஸ் திரிசூல், ஸ்பானிய கடற்படையுடன் தொழில்முறை கலந்துரையாடல்கள், கப்பல்களுக்கு இடையேயான சந்திப்புகள், விளையாட்டு மற்றும் கலாச்சார நிகழ்வுகளில் ஈடுபடும் . இந்த நிகழ்வுகள், செயல்பாட்டு அனுபவங்களைப் பரிமாறிக்கொள்வதற்கான வாய்ப்புகளை வழங்குவதோடு, இரு கடற்படைகளுக்கும் இடையே பரஸ்பர புரிதலை வளர்க்கும்.
நட்பு வெளிநாடுகள் மற்றும் கூட்டாளிக் கடற்படைகளுடன் இந்தியக் கடற்படை மேற்கொண்டு வரும் தொடர்ச்சியான கடல்சார் ஈடுபாட்டின் ஒரு பகுதியாக இந்தத் துறைமுக வருகை அமைந்துள்ளது. முன்னதாக, இந்தப் பணியின்போது, ஐஎன்எஸ் திரிசூல், துலோனில் பிரெஞ்சு கடற்படையுடன் இணைந்து நடைபெற்ற வருணா பயிற்சியின் 24வது பதிப்பில் பங்கேற்றது. இதில் துறைமுகம் மற்றும் கடல் கட்டங்களின்போது தொழில்முறை ஈடுபாடுகள் அடங்கியிருந்தன.
இந்தப் படையணி நிலைநிறுத்தமானது, செயல்பாட்டுத் தயார்நிலை, கடல்சார் ஈடுபாடு மற்றும் சர்வதேசத் தொடர்பு ஆகியவற்றில் இந்தியக் கடற்படையின் அர்ப்பணிப்பை அடிக்கோடிட்டுக் காட்டுவதோடு, பாதுகாப்பான மற்றும் நிலையான கடல்சார் சூழலுக்குப் பங்களிக்கிறது
எஸ். சதிஷ் சர்மா