வடமேற்கு வங்காள விரிகுடா, அதனை ஒட்டிய வடக்கு ஒடிசா – மேற்கு வங்கக் கடற்கரைகளில் நிலவும் குறைந்த காற்றழுத்தப் பகுதியின் தாக்கத்தால், அடுத்த 7 நாட்களுக்கு கிழக்கு, வடகிழக்கு இந்தியா, கிழக்கு உத்தரப் பிரதேசம், மேற்கு இமயமலைப் பகுதிகளில் மழைப்பொழிவு அதிகரிக்கும். ஆங்காங்கே கன முதல் மிகக் கனமான மழை பெய்யக்கூடும். மேலும், இன்று, (ஜூலை 16, 2026) ஒடிசாவில் ஆங்காங்கே மிகக் கனமான மழை பெய்ய வாய்ப்புள்ளது.
அடுத்த 7 நாட்களுக்கு மேற்கு மத்திய, தெற்கு தீபகற்ப இந்தியப் பகுதிகளிலும், அடுத்த 3 நாட்களுக்கு வடமேற்கு இந்தியச் சமவெளிகளிலும் மிதமான மழைப்பொழிவு தொடர வாய்ப்புள்ளது.
வடக்கு ஹரியானா, அதன் சுற்றுவட்டாரப் பகுதிகளில், கீழ் வளிமண்டல அடுக்குகளில் ஒரு மேல் காற்றுச் சுழற்சி நிலவுகிறது.
கிழக்கு உத்தரப் பிரதேசம், அதை ஒட்டிய பீகார் பகுதிக்கு மேல், கீழ் வளிமண்டல அடுக்குகளில் ஒரு மேல்நிலை காற்று சுழற்சி நிலவுகிறது.
தென்மேற்கு ராஜஸ்தான், அதன் சுற்றுவட்டாரப் பகுதிகளில், கீழ் வளிமண்டல அடுக்குகளில் ஒரு மேல் காற்றுச் சுழற்சி நிலவுகிறது.
வடமேற்கு வங்காள விரிகுடா, அதனை ஒட்டிய வடக்கு ஒடிசா-மேற்கு வங்கக் கடற்கரைகளில் உள்ள நன்கு குறிக்கப்பட்ட குறைந்த காற்றழுத்தப் பகுதியுடன் தொடர்புடைய சுழற்சியிலிருந்து, மத்திய கீழ் வளிமண்டல அடுக்குகளில் உள்ள கிழக்கு மத்திய அரபிக் கடல் வரை ஒரு காற்றழுத்தத் தாழ்வுப் பகுதி நீண்டுள்ளது.
மேற்கண்ட அமைப்புகளின் தாக்கத்தால், ஜூலை 16-17 தேதிகளில் இமாச்சலப் பிரதேசம், ஜம்மு-காஷ்மீர்,லடாக் ஆகிய பகுதிகளில் ஆங்காங்கே மழை பெய்ய வாய்ப்புள்ளது.
ஜூலை 16 முதல் 19 வரை ஹரியானா, சண்டிகர், தில்லி, பஞ்சாப் பகுதிகளிலும்; ஜூலை 16 முதல் 18 வரை மேற்கு உத்தரப் பிரதேசத்திலும், ஜூலை 16 முதல் 17 வரை கிழக்கு உத்தரப் பிரதேசத்திலும், ஜூலை 16 முதல் 22 வரை ராஜஸ்தானிலும் ஆங்காங்கே மழை பெய்ய வாய்ப்புள்ளது.
ஜூலை 16 முதல் 22 வரை கடலோர ஆந்திரப் பிரதேசம், ஏனாம், வட உள் கர்நாடகா, ராயலசீமா, தென் உள் கர்நாடகா, தமிழ்நாடு, புதுச்சேரி, காரைக்கால், தெலங்கானா ஆகிய பகுதிகளில் ஆங்காங்கே பரவலான மழை பெய்ய வாய்ப்புள்ளது;
ஜூலை 16 அன்று கடலோர ஆந்திரப் பிரதேசம், ஏனாம், ராயலசீமாவில் ஆங்காங்கே வெப்ப அலை வீச அதிக வாய்ப்புள்ளது; மேலும் ஜூலை 16-17 தேதிகளில் தமிழ்நாடு, புதுச்சேரி, காரைக்காலிலும் வெப்ப அலை வீசக்கூடும்.
எஸ்.சதிஸ் சர்மா