காற்று மாசுபாடு சுவாச நோய்கள் மற்றும் தொடர்புடைய நோய்களுக்கு ஒரு முக்கிய காரணியாகும், இருப்பினும், காற்று மாசுபாட்டால் மட்டுமே ஏற்படும் நோய்களுக்கு நேரடி தொடர்பை நிறுவுவதற்கு உறுதியான தரவு எதுவும் இல்லை. காற்று மாசுபாட்டின் உடல்நல விளைவுகள் என்பது தனிநபர்களின் உணவுப் பழக்கவழக்கங்கள், தொழில் பழக்கவழக்கங்கள், சமூக பொருளாதார நிலை, மருத்துவ வரலாறு, நோய் எதிர்ப்பு சக்தி மற்றும் பரம்பரை போன்ற காரணிகளின் ஒருங்கிணைந்த வெளிப்பாடாகும்.
நாள்பட்ட சுவாச நோய்கள் ( நாள்பட்ட நுரையீரல் அடைப்பு நோய் (COPD) மற்றும் ஆஸ்துமா) தொடர்பான குறிப்பிட்ட தொழில்நுட்ப சிக்கல்கள் குறித்து சிறப்பு நிபுணர் வழிகாட்டுதல் மற்றும் பரிந்துரைகளை வழங்க சுகாதார சேவைகள் இயக்குநரகத்தின் தலைமை இயக்குநர் தலைமையில் ஒரு தொழில்நுட்ப நிபுணர் குழு அமைக்கப்பட்டுள்ளது .
இணைப்பில் உள்ள காற்று மாசுபாடு பிரச்சினைகளைத் தீர்க்க இந்திய அரசு பல நடவடிக்கைகளை எடுத்துள்ளது .
மத்திய சுகாதாரம் மற்றும் குடும்ப நலத்துறை இணையமைச்சர் திரு. பிரதாப்ராவ் ஜாதவ் இன்று மாநிலங்களவையில் எழுத்துப்பூர்வமாக அளித்த பதிலில் இதனைத் தெரிவித்தார்.
******* —
இணைப்பு
நாடு முழுவதும் காற்று மாசுபாடு பிரச்சினைகளைத் தீர்க்க இந்திய அரசு பல நடவடிக்கைகளை எடுத்துள்ளது. அவற்றில் பின்வருவன அடங்கும்:
1. 2019 முதல் நாட்டில் காலநிலை உணர்திறன் சுகாதாரப் பிரச்சினைகள் குறித்த விழிப்புணர்வு, திறன் மேம்பாடு, சுகாதாரத் துறை தயார்நிலை மற்றும் பதில் மற்றும் கூட்டாண்மை தொடர்பான செயல்பாடுகளை உருவாக்கும் நோக்கத்துடன் காலநிலை மாற்றம் மற்றும் மனித ஆரோக்கியத்திற்கான தேசிய திட்டத்தை (NPCCHH) செயல்படுத்துதல்;
- காற்று மாசுபாட்டால் ஏற்படும் நோய்களுக்கான சுகாதார தகவமைப்புத் திட்டத்தை NPCCHH, MoHFW உருவாக்கியுள்ளது, இது மாநிலத்தில் பல்வேறு மட்டங்களில் நிறுவன கட்டமைப்பு மற்றும் செயல்பாட்டு வழிமுறைகளை மையமாகக் கொண்டுள்ளது. மாநிலத்தில் காற்று மாசுபாடு தொடர்பான விஷயங்களில் சுகாதாரம் தொடர்பான திட்டமிடல் மற்றும் பதில்களை மேற்கொள்ளும் வழிகாட்டுதல்களை மாநிலங்கள்/யூனியன் பிரதேசங்கள் பயன்படுத்துகின்றன. சுகாதார தகவமைப்புத் திட்டத்திற்கான இணைப்பு கீழே உள்ளது:
திவாஹர்