தமிழ்நாட்டில் சென்னை வட்டத்தின் கீழ் 250 பழங்கால நினைவுச்சின்னங்களும் திருச்சி வட்டத்தில் 162 பழங்கால நினைவுச்சின்னங்களும் உள்ளன. கடந்த ஐந்து ஆண்டுகளில் அவற்றின் பாதுகாப்புக்காகவும் பராமரிப்புக்காகவும் ஒதுக்கப்பட்ட நிதியின் விவரங்கள்:
* 2020-21: 7.25 கோடி ரூபாய்
* 2021-22: 12.00 கோடி ரூபாய்
* 2022-23: 19.95 கோடி ரூபாய்
* 2023-24: 22.50 கோடி ரூபாய்
* 2024-25: 12.65 கோடி ரூபாய்
தேசிய தொல்பொருள் நினைவுச்சின்னங்கள் திட்டத்தின் கீழ், மொத்தம் 3931 தொல்பொருட்களும் 922 பாரம்பரிய தளங்கள் தமிழ்நாட்டில் ஆவணப்படுத்தப்பட்டுள்ளன.
தமிழ்நாட்டில் இந்திய தொல்பொருள் ஆய்வு நிறுவனத்தால் கீழ்க்கண்ட இடங்களில் தொல்பொருள் அகழ்வாராய்ச்சிகள் மேற்கொள்ளப்பட்டுள்ளன:.
1. வடகப்பட்டு, காஞ்சிபுரம் மாவட்டம்- (2022-23 முதல் 2023-24 வரை).
2. அமுர், செங்கல்பட்டு மாவட்டம்-(2024-25).
3. ஆதிச்சநல்லூர், தூத்துக்குடி மாவட்டம் -(2021-22).
4. புதுக்கோட்டை மாவட்டம், கொடும்பளூரில் உள்ள குடியிருப்பு மேடு- (2024-25).
மாநிலங்களவையில் இன்று (04.12.2025),
கேள்வி ஒன்றுக்கு எழுத்து மூலம் அளித்த பதிலில் மத்திய கலாச்சாரம், சுற்றுலாத்துறை அமைச்சர் திரு கஜேந்திர சிங் ஷெகாவத் இந்தத் தகவலைத் தெரிவித்தார்.
எம்.பிரபாகரன்