தேசிய நெடுஞ்சாலைகளில் உள்ள பயனர் கட்டண மையங்களில் FASTag அல்லாத பயனர்களுக்கு டிஜிட்டல் கட்டணங்களை ஊக்குவிப்பதற்கும் பணப் பரிவர்த்தனைகளை நீக்குவதற்கும் ஒரு குறிப்பிடத்தக்க படியாக, இந்திய அரசு 2008 ஆம் ஆண்டு தேசிய நெடுஞ்சாலை கட்டணம் (விகிதங்கள் மற்றும் வசூல் நிர்ணயம்) விதிகளைத் திருத்தியுள்ளது. புதிய விதியின் கீழ், செல்லுபடியாகும், செயல்பாட்டுக்குரிய FASTag இல்லாமல் கட்டண மையத்திற்குள் நுழையும் வாகனங்கள், கட்டணம் ரொக்கமாக செலுத்தப்பட்டால், பொருந்தக்கூடிய பயனர் கட்டணத்தை விட இரண்டு மடங்கு வசூலிக்கப்படும். ஒருங்கிணைந்த கட்டண இடைமுகம் (UPI) மூலம் கட்டணத்தைச் செலுத்தத் தேர்வுசெய்யும் அத்தகைய பயனர்களுக்கு, அந்த வகை வாகனத்திற்கு பொருந்தக்கூடிய பயனர் கட்டணத்தை விட 1.25 மடங்கு மட்டுமே வசூலிக்கப்படும். எடுத்துக்காட்டாக, ஒரு வாகனம் செல்லுபடியாகும் FASTag மூலம் ₹100 பயனர் கட்டணத்தைச் செலுத்த வேண்டியிருந்தால், கட்டணம் ரொக்கமாக செலுத்தினால் ₹200 ஆகவும், UPI மூலம் செலுத்தினால் ₹125 ஆகவும் இருக்கும். இந்தத் திருத்தம் கட்டண வசூல் செயல்முறையை வலுப்படுத்துதல், சுங்க வசூலில் வெளிப்படைத்தன்மையை மேம்படுத்துதல் மற்றும் தேசிய நெடுஞ்சாலை பயனர்களின் பயணத்தை எளிதாக்குவதை நோக்கமாகக் கொண்டுள்ளது. இந்த அறிவிப்பு நவம்பர் 15, 2025 முதல் அமலுக்கு வரும்.
தேசிய நெடுஞ்சாலை கட்டணம் (விகிதங்கள் மற்றும் வசூல் நிர்ணயம்) விதிகள், 2008 இல் செய்யப்பட்ட சமீபத்திய திருத்தம், திறமையான சுங்க வசூல் மற்றும் சுங்கச்சாவடிகளில் நெரிசலைக் குறைப்பதற்கான தொழில்நுட்பத்தைப் பயன்படுத்துவதற்கான இந்திய அரசின் உறுதிப்பாட்டை பிரதிபலிக்கிறது. திருத்தப்பட்ட விதிகள் டிஜிட்டல் கட்டணங்களை ஏற்றுக்கொள்வதை ஊக்குவிக்கும், சுங்கச் சாவடிகளில் வெளிப்படைத்தன்மையை அதிகரிக்கும் மற்றும் தேசிய நெடுஞ்சாலைகளில் ஒட்டுமொத்த பயனர் அனுபவத்தை மேம்படுத்தும்.
திவாஹர்